صدر آصف علی زرداری 13 ءَ بگر داں 16 جنوری ءَ بحرین ءِ سرکاری تر ءُ تاب ءَ کنت

اسلام آباد۔12جنوری  (اے پی پی): صدر آصف علی زرداری 13 جنوری ءَ چہ 16 جنوری ءَ مملکت  بحرین ءِ سرکاری تر ءُ تاب ءَ کنت۔درئی کارانی کارگس ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءِ ھمبراھی ءَ مزن تک ءِ ڈل ھم ھوار بیت۔ تر ءُ تاب ءِ ساھت ءَ صدر ءِ مملکت بحرین ءِ ولی عہد ءُ مزن وزیر شاہ سلمان بن حمد الخلیفہ ءَ گوں گند ءُ نند کنت۔ گند ءُ نند آنی ساھت ءَ وت مہ وتی، دمگی ءُ میاں اوستمانی معاملہ آنی سر ءَ گپ ءُ تران کنگ بیت۔ اے تر ءُ تاب ءَ چہ پاکستان ءِ براتیں خلیج ملک ءِ گوما دیریں کمک ءَ را گیش مھکم کنگ بیت ءُ تجارتی ءُ اقتصادی شریکداری، دیمپانی ءُ ایمنی، ءُ مردم آنی نیام ءَ رابطہ آنی تہ ءَ کمک ءِ نوکیں موہ آناں دیمروئی دیگ ءِ موہ رس ایت۔