پارلیمانی کارانی وفاقی وزیر ڈاکٹر طارق فضل چوہدری ءَ ٹانک  ءَ  پولیس ءِ گاڑی ءِ سرا اُرش ءِ مذمت کتگ

اسلام آباد۔12جنوری  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ ٹانک ءَ  پولیس ءِ گاڑی ءِ سر ءَ اُرش ءِ سک باز مذمت کتگ ءُ گوشت کہ اے سرجمیں راج ءِ واستہ گمناکیں وئیل اِنت۔ سوشل نیٹ ورکنگ ویب سائٹ ایکس ءِ سر ءَ مذمتی پوسٹ ءِ تہ ءَ آئی ءَ گوشت کہ ٹانک مین پولیس ءِ بکتر بندیں گاڑی ءِ سر ءَ بزدلیں ریموٹ کنٹرول ءِ تراک سرجمیں راج ءِ واستہ یک گمناکیں وئیل اِنت کہ ایشی ءِ تہ ءَ مئے 6 دلیریں سپاھیگ وتی جان ءِ قربانی داتگ اَنت۔ اے زالمیں کار انسانیت، امن ءُ پاکستان ءِ ریاست ءِ ھلاپ ءَ پدریں ناشرکاری اِنت کہ ایشی ءِ ھرچ وڑیں مذمت کنگ بہ بیت بس نہ اِنت۔ ما شہیدانی گس ءِ گم ءَ شریک ایں ءُ دعا لوٹیں کہ اللہ تعالیٰ ایشاں سگ ءُ اوپار بہ دنت ءُ شہیداں وتی رحمت ءِ تہا بُرزیں جاگہ ​​بہ دنت۔ آئی ءَ گوشت کہ پاکستان پولیس ءُ سیکورٹی فورسز ءِ اے قربانی مئے آجوئی، امن ءُ ایمنی ءِ ضمانت انت ءُ انشاءاللہ ناشرکاری ءِ ھلاپ ءَ اے جنگ الم ءَ اے قربانی آنی سبب ءَ سوبمند بیت۔