سر وزیر  بلوچستان ءَ صوبہ ءِ راجدپتر ءَ اولی رند ءَ 100درسد میرٹ ءُ وانگ ءُ زانگ  ءِ بنیاد ءَ سرکاری پستانی واستہ آن لائن بھرتی بندات کنگ بوھگ ءَ اِنت، سوبمندیں اُمیت وار آناں یک کلاک ءِ تہ ءَ اپوائنٹمنٹ لیٹر جاری کنگ بیت

کوئٹہ۔ 12 جنوری (اے پی پی): سر وزیر بلوچستان سرفراز بگٹی ءَ گوشت کہ صوبگ ءِ راجدپتر ءَ اولی رند ءَ 111 سرکاری پوسٹ آنی واستہ 100درسد میرٹ ءُ میرٹ ءِ بنیاد ءَ آن لائن بھرتی بندات کنگ بوھگ ءَ انت، سوبمندیں اُمیت وار آناں یک کلاک ءِ تہ ءَ میرٹ ءِ بنیاد ءَ تقرری ءِ نمدی جاری کنگ بیت تانکہ… اے گامگیج کرپشن ءِ ھلاسی ءُ ادارگی اصلاحات ءِ نیمگ ءَ گامگیج اِنت۔ آئی ءَ اے ھیالانی درشانی اے موہ ءِ سر ءَ بنجاھی وزیر سیکرٹریٹ ءَ برجم داشتگیں پریس کانفرنس ءِ تہ ءَ کت۔ آئی ءَ گوشت کہ الس ءَ گوں آئی ءِ اولی ءُ بے دروریں وعدہ ایش بوتگ کہ صوبہ ءَ نہ سرکاری نوکریانی کٹگ بیت ءُ نہ کرپشن ءُ نیپوٹیزم برداشت کنگ بیت۔ آئی ءَ گوشت کہ صوبائی حکومت الس ءِ بھروسہ بحال کنگ ءُ شفاف حکومت داری ءِ واستہ عملی ءُ موثر گامگیج کنگ ءَ انت۔ وعدہ ءِ پیلو کنگ ءِ ھاتر ءَ بلوچستان ءَ شفافیت ءِ نظام ءَ را گیش مھکم کنگ بوھگ ءَ انت ۔ اے درگت ءَ صوبگ ءِ راجدپتر ءَ اولی رند ءَ محکمہ مالیات ءِ نیمگ ءَ 111سرکاری پوسٹ آنی سر ءَ 100درسد میرٹ ءُ میرٹ ءِ بنیاد ءَ آن لائن بھرتی بندات کنگ بوھگ ءَ اِنت۔ اے گامگیج کرپشن ءِ ھلاسی ءُ ادارگی اصلاحات ءِ نیمگ ءَ نوکیں گامگیج اِنت۔ واجہ سرفراز بگٹی ءَ اے گپ ءِ پدرائی کت کہ اے نوکیں بھرتی ءِ نظام ءِ چیر دستی ءَ امیدوار آنی آن لائن ویریفکیشن کنگ بیت، آھانی توانائی ءُ اہلیت ءِ چیک کنگ بیت۔ چکاس شفافیں رنگ ءَ کنگ بیت ءُ سوبمندیں امیدوار آناں یک کلاک ءِ تہ ءَ تقرری ءِ نمدی جاری کنگ بیت تانکہ میرٹ ءِ بنیاد ءَ تقرری ترند کنگ بہ بیت۔ بنجاہی وزیر ءَ گوشت کہ اے اصلاحی نظام محکمہ ھزانگ ءَ چہ بندات کنگ بوھگ ءَ انت ایشی ءَ را کم کم ءَ بلوچستان حکومت ءِ دراہیں حکومتی محکمہ آنی تہ ءَ سر کنگ بیت۔ آئی ءَ گوشت کہ صوبائی حکومت نوکیں ٹیکنالوجی ءِ کارمردی ءَ چہ جوانیں حکومت داری، شفافیت ءُ احتساب ءِ دیمروئی ءِ واستہ جزمیگ انت۔ واجہ سرفراز بگٹی ءَ گوشت کہ میرٹ، شفافیت ءُ راج ءِ گوما یک وعدہ ءِ بلوچستان حکومت ءِ حکومت داری ءِ بُن ھشت اِنت ءُ حکومت ھمک پڑ ءَ انچیں گامگیج زورگ ءَ برجاہ دار ایت کہ ورنا آناں توانمند بہ کنت ءُ آوانی ھک ءَ را لائکیں مردم آنی دیم ءَ دل یکیمی بہ کنت۔