مزن وزیر شہباز شریف ملک ءَ تربیت ءِ نوکیں ایکو سسٹم ءِ ھوالگ ءَ چار ءُ تپاسی دیوان ءَ گوں  گشتانک

اسلام آباد۔12جنوری  (اے پی پی): مزن وزیر محمد شہباز شریف ءَ پاکستانی افرادی قوت ءَ را میاں اوستمانی سرٹیفیکیشن ءِ پھجارینگ ءَ را وش اتک کتگ تانکہ آ جہانی تک ءَ مقابلہ ءِ لائک جوڑ کنگ بہ بیت ءُ وزارت ءِ درئی کار ءُ وزارت ءِ اوورسیز پاکستانی آناں پنت ءُ شون کتگ کہ آ پاکستانی افرادی قوت ءِ دستیابی ءَ را دل یکیمی کنگ ءِ واستہ گامگیج بہ زور اَنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءِ سروکی ءَ ملک ءَ تربیت ءِ نوکیں ایکو سسٹم ءِ ھوالگ ءَ چار ءُ تپاسی دیوان برجم دارگ بوتگ، ایشی ءِ ساھت ءَ نوکیں ایکو سسٹم ءِ چیر دستی ءَ برجاھیں تربیت ءِ پروگرام آنی سر ءَ سرجمیں چار ءُ تپاسی کنگ بوتگ۔ مزن وزیر محمد شہباز شریف ءَ نوٹیکا ءِ استیں کارکردگی ءِ سر ءَ دل یکیمی ءِ درشان کت ءُ ٹیکنیکل ءُ پیشہ وارانہ تربیت ءِ پروگرام آنی واستہ نوکیں ٹارگٹ ایر کنگ ءُ اپرینٹس شپ ءِ کانود ءِ سر ءَ عمل کنگ ءِ پنت ءُ شون کت۔ مزن وزیر ءَ پاکستانی مردمی قوت ءَ را جہانی تک ءَ مقابلہ کنگ ءِ واستہ میاں اوستمانی سرٹیفیکیشن ءِ پھجارینگ ءَ را یک وشیں دیمروئی ءِ رنگ ءَ لیکگ ءِ وھد ءَ پنت ءُ شون کت کہ خلیج ءِ ملک آنی تہ ءَ پاکستانی مردمی قوت ءِ کارمردی ءَ را وزارت ءِ درئی کار ءُ وزارت ءِ اوورسیز پاکستانی آنی گامگیج آنی گوما ھمگرنچ کنگ بہ بیت۔ آئی ءَ گوشت کہ پاکستانی ورنا توانائی ءَ چہ پُر اَنت، ایشانی توانائی ءَ را کارمرد کنگ ءِ واستہ نوٹیکا ءِ وسیلگ ءَ یک سرجمیں پروگرام ءِ بندات کنگ بوتگ۔ آئی ءَ گوشت کہ اللہ تعالیٰ ءِ فضل ءُ کرم ءَ چہ نوٹیکا ءِ چیر دستی ءَ ٹیکنیکل ءُ پیشہ وارانہ تربیت ءِ پروگرام آں چہ جوانیں نتیجگ دیم ءَ روگ ءَ انت۔ مزن وزیر ءَ نیوٹیک ءِ توامیں شریکیں وانگ ءُ زانگ ءِ ادارگ آنی تہ ءَ تربیت ءِ تہ ءَ بوھوکیں توامیں نودربر ءُ استاد آنی واستہ میٹرک سسٹم ءِ چیر دستی ءَ حاضری ءِ نظام ءِ سر ءَ عمل کنگ ءِ پنت ءُ شون کت۔ آئی ءَ صوبائی ادارگ آنی گوما کمک ءَ را مھکم کنگ ءَ چہ نیو ٹیک ءِ پروگرام آناں گیش کنگ ءِ ھم پنت ءُ شون کت تانکہ گیش ءَ چہ گیش مردمی قوت ءِ تربیت دیگ بہ بیت۔ مزن وزیر ءَ گوشت کہ ورنا آناں ھما ھنر آنی تہ ءَ میاں اوستمانی سرٹیفیکیشن ءِ گوما تربیت پجاری کنگ ایشانی میاں اوستمانی تک ءَ سک باز لوٹ ءُ گزر انت اولی ترجی انت۔ مزن وزیر ءَ پرمان داتگ کہ نیوٹیک ءِ چیر دستی ءَ ھما ادارگ آنی باسکی ءَ را معطل کنگ ءَ کارروائی کنگ بہ بیت، نیوٹیک سسٹم ءُ آن لائن مانیٹرنگ سسٹم ءِ سرجمیں ڈیٹا یکجا کنگ ءَ را گیش موثر جوڑ کنگ بہ بیت۔ دیوان ءَ نجی شعبہ ءِ تھرڈ پارٹی ویلڈیٹرز کہ NWTC ءِ گوما کار کنگ ءَ اَنت، انڈسٹری پارٹنر، ٹریننگ فرم آنی نمائندگ، چیمبر آف کامرس، کاروباری انجمن آنی نمائندگ ءُ مصنوعی ذہانت ءُ انفارمیشن ٹیکنالوجی ءِ پڑ ءَ ماہرین آنی بھر زوری بوتگ۔ دیوان ءَ سرپد کنگ بوت کہ NWTC ءِ نیمگ ءَ مزن وزیر ءِ نیمگ ءَ چہ داتگیں تربیتی پروگرام آنی ٹارگٹ آناں سرجم کنگ ءِ واستہ NWTC وتی پیشہ وارانہ تربیتی پروگرام آنی سیمی فریق ءِ تصدیق ءِ سر ءَ عمل کنگ ءَ اِنت ایشی ءِ تہ ءَ نودربر آنی بائیومیٹرک حاضری ءُ تربیتی پروگرام آنی تہ ءَ مردین ءُ جنین نودربر آنی بائیومیٹرک حاضری ءِ ھوار ٹرینرز آنی مزنیں معیار ھم تیار کنگ بوھگ ءَ اِنت۔ گند ءُ نند ءَ گوشگ بوت کہ این ڈبلیو ٹی سی ءِ چیر دستی ءَ پاکستان ءِ اولی اسکل بس بانڈ جاری کنگ بوتگ ایشی ءِ چیر دستی ءَ پیشہ وارانہ تربیت ءِ آسر آنی بنیاد ءَ نجی شعبہ ءَ چہ فنڈنگ ​​زورگ بیت۔ دیوان ءَ سرپد کنگ بوت کہ اے وھد ءَ سرجمیں ملک ءَ انفارمیشن ٹیکنالوجی، کشت ءُ کشاری، فنانس، مائننگ، کنسٹرکشن، اسپورٹس، ہسپتالٹی، چپ بلڈنگ ءِ ھواری ءَ میاں اوستمانی تک ءَ لوٹ ءِ رد ءَ تربیتی پروگرام برجم دارگ بوھگ ءَ انت۔ پاکستان ءِ راجدپتر ءَ اولی رند ءَ نوٹک ءِ سرجمیں ٹیکنیکل ءُ پیشہ وارانہ تربیت ءِ پروگرام صنعت ءِ ضلورت آنی گوما یکجا کنگ بوتگ انت۔ اے ھاتر ءَ سرجمیں ملک ءِ 148 صنعت پروگرام آنی تہ ءَ ھوار کنگ بوتگ اَنت۔ ایشی ءَ ابید سرجمیں ملک ءَ مدرسہ آنی تہ ءَ ھم تربیتی پروگرام بندات کنگ بیت۔ دیوان ءَ اے پروگراماں چہ گریجویشن کتگیں نودربرانی بابت ءَ ھم سرپدی دیگ بیت۔ دیوان ءَ را اعداد و شمار ءِ بابت ءَ بریفنگ کنان ءَ ھال دیگ بوت کہ گوستگیں سال ءَ نوکٹکا ءِ وسیلگ ءَ یک لکھ لکھ ءُ شش ہزار مردم آناں تربیت رستگ وھدیکہ 15 ہزار ءَ چہ گیش مردم آناں میاں اوستمانی سرٹیفیکیشن داتگ۔ ٹیمکول ءِ وسیلگ ءَ سئے لک ءَ چہ گیش مردماں تربیت رستگ وھدے کہ اے نظام ءِ وسیلگ ءَ سعودی عرب ءَ 280 ہزار ءَ چہ گیش مردماں کار گپتگ۔ ایشی ءِ گوما 350 ءَ چہ گیش ادارگ آنی چار ءُ تپاسی ءَ پد نوکٹکا آھاں میاں اوستمانی تک ءِ تربیت ءِ لائسنس ءِ دات کنت۔ دیوان ءَ گیش سرپدی دیگ بوت کہ صنعت آنی رد ءَ 10 ہزار ءَ چہ گیش مردم آناں پیشہ وارانہ تربیت ءِ پائلٹ پروجیکٹ ءِ بندات کنگ ءَ ابید 2600 نوکیں ادارگ رجسٹرڈ کنگ بوتگ انت۔ دیوان ءَ را سرپد کنگ بوت کہ تربیت دیوکیں ادارگ آناں ادائیگی ءِ واستہ نتیجہ ءِ حساب ءَ کنگ بیت۔ گند ءُ نند ءَ گوگل، مائیکروسافٹ ءُ ایندگر میاں اوستمانی سرٹیفیکیشن ادارگ آنی بابت ءَ ھم سرپد کنگ بوت۔ دیوان ءَ مزن وزیر ءِ نیمگ ءَ نوٹیکا ءَ را داتگیں درستیں ٹارگٹ آنی سرجمی ءِ ھوالگ ءَ ھم سرپد کنگ بوت۔ مزن وزیر ءَ نوٹیکا ءِ کارکردگی ءِ سر ءَ دل یکیمی ءِ درشان کت ءُ آیوکیں وھد ءَ گیش گہتری ءِ واستہ نوکیں ٹارگٹ ایر کنگ ءِ پنت ءُ شون کت۔