مسلم لیگ (ن) ءِ سروکی راج ءِ ھزمت ءِ  مشن  ءِ سر ءَ  کاربند اِنت، برجائی  ءُ دیمروئی ءِ گام گہتر بوھگ ءَ اِنت، عطا اللہ تارڑ

لاہور ۔12جنوری  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ مسلم لیگ (ن) ءِ سروکی الس ءِ ھزمت ءِ مشن ءِ سر ءَ جزم انت، استحکام ءُ دیمروئی ءِ گام گہتر بوھگ ءَ انت۔ گوستگیں سال ءِ مئی ءَ فوجی سوبمندی ءُ معاشی گامگیج آنی سبب ءَ پاکستان ءَ جھان ءِ تک ءَ عزت ءُ شرپ رستگ۔ آئی ءَ اے ھیالانی درشانی مزن وزیر ءِ سیاسی کار ءُ پبلک افیئر یونٹ سید توصیف شاہ  ءِ کارگس ءَ وتی حلقہ ءَ گوں سیادی داروکیں الس ءِ نمائندگ، چیئرمین، وائس چیئرمین، سینئر کارکن، کونسلر، زالبولیں رہشون ءُ لدھیانا کونسلر آنی گوما گپ ءُ تران کنان ءَ کت۔ وفاقی وزیر ءِ اھوالکاری ءَ گوشت کہ حکومت السی گہبود ءَ را اولی ترجی دیگ ءَ اِنت، ملک ءَ نوں استحکام ءَ پد دیمروئی ءِ راہ ءَ رھادگ بوتگ۔ گوستگیں سال ءِ مئی ءَ بوتگیں جنگی سوبمندی ءُ معاشی گامگیج آنی سبب ءَ پاکستان ءَ جھان ءِ تک ءَ عزت ءُ شرپ رستگ ۔ وفاقی وزیر ءَ گوشت کہ معیشت ءِ تہ ءَ برجائی ءُ دیمروئی ءِ گام گہتر بوھگ ءَ انت، مسلم لیگ (ن) ءِ سروکی الس ءِ ھذمت ءِ مشن ءِ سر ءَ جزم انت، دیمروئی ءُ وشھالی ءِ سفر ءَ را گیش ترند کنگ بیت۔ اے موہ ءِ سر ءَ وفاقی وزیر ءِ اھوالکاری ءَ کارکن آنی جیڈھ آں گوں سرجمیں رنگ ءَ گوش داشتگ۔ دیوان ءِ بہر زوروکاں مسلم لیگ ءِ حکومت ءِ پالیسیانی سرا دل یکیمی ءِ درشانی کتگ ءُ وفاقی حکومت ءِ دیمروئی کاراں ساڑاتگ انت۔ شریکیں مردماں پنجاب حکومت ءِ دیمروئی گامگیج آنی سر ءَ ھم دل یکیمی ءِ درشانی کتگ۔ اے دیوان کہ نزیک ءَ سئے کلاک ءَ برجاہ بوتگ ایشی ءِ تہ ءَ نہ ایوک ءَ حلقہ ءِ راجی جیڈھ آنی سر ءَ گپ ءُ تران کنگ بوتگ بلکیں ملک ءِ سرجمیں جاور ھال آنی گہتری ءُ آیوکیں وھد ءِ کارروائی آنی سر ءَ ھم ھیال ءُ لیکہ آنی درشان کنگ بوتگ۔ وفاقی وزیر اطلاعات ءَ دیوان ءَ بہر زرتگیں رہشون ءُ کارکنانی منت گپت۔