صدر مملکت آصف علی زرداری 13 آن 16 جنوری اسکان مملکت بحرین نا سرکاری دورہ ءِ کیک

اسلام آباد۔ 12 جنوری (اے پی پی) صدر مملکت آصف علی زرداری 13 آن 16 جنوری اسکان مملکت بحرین نا سرکاری دورہ ءِ کیک ۔ دوشنبے نادے آ دفترخارجہ غان جاری بیان نا رداٹ صدر مملکت تون اوار اسہ بڑزکو کہولی ڈل اس ہم مریک۔ دورہ ٹی صدر مملکت بحرین نا فرمانرواشاہ حمد بن عیسیٰ الخلیفہ و بحرین نا ولی عہد و وزیراعظم شہزادہ سلمان بن حمد الخلیفہ تون اوڑدہی کیک ۔ اوڑدہی تیٹی ہڑتوم آ کنڈآتا ، علاقائی و جہانی امور تیا گپ وتران کننگک۔ دادورہ غان ایلم خلیجی ملک آتون پاکستان نا متکن آ کمکاری ءِ پین سوگو کننگ تون اوار اوار واپار و اقتصادی شریداری، دفاع و سلامتی و الس تون الس نا رابطہ غاتیٹی کمکاری نا پوسکن آ وارخواہی تے مون آ دننگ نا موقع ملک۔