بنجائی وزیر پارلیمانی امور ڈاکٹر طارق فضل چوہدری نا ٹانک اٹی پولیس گاڈی آ جلہو نا مذمت

اسلام آباد۔ 12 جنوری (اے پی پی) بنجائی وزیر پارلیمانی امور ڈاکٹر طارق فضل چوہدری ٹانک اٹی پولیس گاڈی آ جلہو نا ترند انگا لوز آتیٹی مذمت ءِ کرسا پارینے کہ دا مچ آ قوم اکن است ہسون ءُ واقعہ اسے۔ دوشنبے نادے آ راجی رابطہ نا ویب سائٹ ایکس آ تینا اسہ مذمتی بیان اسے ٹی اوپارے کہ ٹانک اٹی پولیس نا بکتر بند گاڈی آ مروک آ لغور ریموٹ کنٹرول دھماکہ مچ آ قوم اکن افسوزناک واقعہ سے ہراٹی ننا 6 بہادر ورناک شہیدی نا جام ءِ نوش کریر، دا کارروائی انسانیت، امن  وریاستِ پاکستان نا برخلاف پاش آن پاش دہشت گردی ءِ ہرانا اخس کہ مذمت ءِ کننگے ، کم ءِ۔ اوپارے کہ نن شہید آتا خاہوت آتا غم اٹی بریبر نا شریک اُن و دعاکینہ کہ اللہ تعالیٰ اوفتے صبر وجمیل عطاکے و شہید آتے جنت اٹ بڑزکو ہند اس ایتے۔ اوپارے کہ پاکستان پولیس و سیکورٹی فورس آتا دا قربانی ننا آجوئی، امن و سلامتی نا ضمانت ءِ و انشاء اللہ دہشت گردی نا برخلاف دا جنگ دا قربانی تا صدقہ ضرور سرسہب مریک۔