وزیراعظم شہباز شریف نا ٹانک اٹی دہشت گرد جلہو اٹی 5 پولیس کارندہ غاتا شہیدی آ است ہسونی نا درشان

اسلام آباد۔ 12 جنوری (اے پی پی) وزیراعظم محمد شہباز شریف ضلع ٹانک اٹی دہشت گرد جلہو اٹی 5 پولیس کارندہ غاتا شہیدی آ است ہسونی نا درشانی ءِ کرسا پارینے کہ واقعہ نا زموار دہشت گرد آتے زوت آن زوت اوفتا ایسری انجام اسکان سرکننگک۔ دوشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم واقعہ ٹی شہید مروک آتیکن بخشش و خاہوت آتیکن صبر و استقامت نا دعاکرے۔ وزیراعظم واقعہ نا دمدستی جاست وپاست نا پارت کرسا پارے کہ واقعہ نا زموار دہشت گرد آتے زوت آن زوت اوفتا ایسری انجام اسکان سرکننگک۔ اوپارے کہ حکومت پاکستان ملک آن دہشت گردی نا پورو چٹفنگ کن سنبرینگوک ءِ۔