سفیر ممتاز زہرہ بلوچ انسانی حقانی جہانی روچ ءِ درگت ءَ پیرس ءَ یونیسکو ءِ بنجاہی کارگس ءَ بحث ءُ تران ءَ بہر زوری

پیرس۔12دسمبر  (اے پی پی): فرانس ءَ پاکستان ءِ سفیر ممتاز زہرہ  بلوچ ءَ انسانی حقانی جہانی روچ ءِ درگت ءَ پیرس ءَ یونیسکو ءِ بنجاہی کارگس ءَ مناظرہ ءِ تہا بہر زرتگ۔ پاکستانی سفارتخانہ ءِ نیمگ ءَ جاڑی بوتگیں بیان ءِ رد ءَ اے درگت ءَ مراگش یونیسکو ءُ یورپی یونین ءِ یکجائی ءَ برجم دارگ بوتگ۔ یونیسکو ءِ ڈائریکٹر جنرل ڈاکٹر خالد العینی ءُ اقوام متحدہ ءِ انسانی حقانی پیسریگیں ہائی کمشنر نوی پیلے ءَ اے مراگش ءَ ھاسیں رنگ ءَ بہر زرتگ ات۔ اے موہ ءِ سر ءَ تران کنان ءَ پاکستان ءِ سفیر ممتاز زھرہ بلوچ ءَ جمہوریت ءُ میاں اوستمانی سفارتکاری ءِ بنیات ءِ رنگ ءَ ’’خیال آنی آزاتیں روانی‘‘ ءِ ارزشت ءِ سر ءَ زور پر دات۔ آئی ءَ اے گپ ءِ سر ءَ جیڈھ ءِ درشانی کت کہ پچیں گپ ءُ تران ءُ فکری تبادلہ ءِ جاگہ ​​کم بوتگ اَنت۔ آئی ءَ گوشت کہ جھان ءِ جیڈھ آناں گیواری ءِ واستہ یکجائی بنیات ءِ دیمروئی ءِ واستہ یک دومی ءِ گوما تعمیری رنگ ءَ ھوار بوھگ ءِ واستہ ریاست آنی تہ ءَ گیش بوھوکیں ناکامی متحرک کثیر جہتی ءُ میاں اوستمانی سفارتکاری ءِ واستہ ڈکال ءِ تہ ءَ کمک کنگ ءَ اِنت۔ پاکستانی سفیر ءَ اقوام متحدہ ءِ 80 ءِ عمل ءَ چہ پیداکیں موہ ءُ چیلنج آنی بابت ءَ ھم وتی ھیال آنی درشانی کت ایشی ءِ تہ ءَ اقوام متحدہ ءِ انسانی ھک آنی ستون ءِ سر ءَ ایشی ءِ اثر ھم ھوار انت۔ آئی ءَ اے عمل ءَ را اقوام متحدہ ءِ انسانی ھکانی مشینری ءِ نوکیں ءُ رھبند ءِ رد ءَ جوڑ کنگ ءِ موہ لیک اِتگ ءُ ھشدار داتگ کہ اے انسانی ھکانی میکانزم ءِ نزور بوھگ ءُ انسانی ھک آنی تہ ءَ دیمروئی ءِ سوب مہ بیت۔ پینل ءِ گپ ءُ تران ءِ تہ ءَ دگہ بھر زوروکاں ایمنسٹی انٹرنیشنل فرانس ءِ صدر این ساوینیل باراس ءُ انسٹی ٹیوٹ فار انٹرنیشنل لا ءِ انٹرنیشنل لا ءِ پروفیسر جان ووٹرز ءُ دگہ بازیں مردم ھوار اَنت۔