یمن ءِ سفیر ءَ وفاقی وزیر تجارت جام کمال خان ءَ گوں گند ءُ نند کت، دو نیمگی تجارت ءُ اقتصادی کمک ءَ را مھکم کنگ ءِ واستہ جزم ءِ درشان

اسلام آباد۔12دسمبر  (اے پی پی): یمن ءِ سفیر محمد مطہر الاشعبی  ءَ جمعہ ءِ روچ ءَ وفاقی وزیر تجارت جام کمال خان ءَ گوں گند ءُ نند کت۔ گند ءُ نند ءَ دوئیں نیمگ ءَ پاکستان ءُ یمن ءِ نیام ءَ دو نیمگی بیپاری ءُ اقتصادی کمک ءَ را مھکم کنگ ءِ واستہ جزم ءِ درشان کتگ۔ گند ءُ نند ءَ یمن ءِ سفیر ءَ دوئیں ملک آنی نیام ءَ دیریں براتی سیادی ءُ بیپاری سیادی ءَ را گیش کنگ ءِ واھشت ءِ درشان کت۔ یمن ءِ سفیر ءَ گوشت کہ اے وھد ءَ پاکستان ءَ نزیک ءَ 300 یمن نودربر وانگ ءَ اَنت، ایشی ءَ چہ دوئیں براتیں ملک آنی نیام ءَ مہلوک ءَ را مھکمیں سیادی ءِ پدریں نیمون اِنت۔ آئی ءَ یمن ءِ نیمگ ءَ دو نیمگی معاہدہ آناں چالو کنگ ءُ ادارگی کمک آناں گیش کنگ ءِ سر ءَ زور پر دات۔ گند ءُ نند ءَ جام کمال خان ءَ پڑ ءِ ہمساہگیں ملک آنی گوما تجارت ءَ را گیش کنگ ءِ حکومت ءِ جزم ءِ سر ءَ زور پر دات۔ آئی ءَ گوشت کہ کسانیں جہاز ءُ فیری ءِ بنیات ءَ کم ھرچ ءُ درچ ءِ شپنگ سروسز ءِ بندات کنگ ءِ سر ءَ ھیال ءُ لیکہ کنگ بوھگ ءَ انت ایشی ءَ چہ دمگی بیپار ءِ ھرچ ءُ درچ کم بنت۔ وزیر تجارت ءَ گوشت کہ پاکستانی ایس ایم ایز یمن، سومالیہ، ایتھوپیا ءُ عمان ءِ وڑیں نزیکیں ملک آنی مارکیٹ ءَ چہ سیت چست کت کن اَنت۔ دوئیں ملک آں ادارگی کمک ءَ را دیمروئی دیگ ءُ رابطہ کاری ءَ را گیش کنگ ءِ سر ءَ ھم سرجمی ءَ تپاک کتگ۔