پاکستان ءِ مزنیں ءُ کوھنیں دود ءُ ربیدگ ءِ ورثہ جھان ءِ چاگردی ڈکال ءِ آماچ   اِنت، راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی  ءِ روم ءَ یک مراگشے ءَ گوں تران

روم۔12دسمبر  (اے پی پی): راجی ورثہ ءُ دود ءُ ربیدگ ءِ وفاقی وزیر اورنگزیب خان کھیچی ءَ گوشت کہ پاکستان ءِ مزنیں ءُ کوھنیں دود ءُ ربیدگ ءِ ورثہ ءِ تہ ءَ موہنجو دارو ءُ ہراپہ ءِ کوھنیں شہری تہذیب ھوار انت ءُ جھان ءِ چاگردی ڈکال ءِ آماچ انت۔ آئی ءَ روم ءَ انٹرنیشنل سینٹر فار دی اسٹڈی آف پریزرویشن اینڈ ریسٹوریشن آف کلچرل پراپرٹی (آئی سی سی آر اوایم ) ءِ جنرل اسمبلی ءِ موہ ءَ برجم داشتگیں ھاسیں مراگش   گشتانک دیان ءَ گوشت۔  جمعہ ءِ روچ ءَ راجی ورثہ ءُ دود ءُ ربیدگ ءِ وزارت ءِ نیمگ ءَ چہ جاڑی بوتگیں پریس ریلیز ءِ رد ءَ وزیر ءَ وتی گشتانک ءِ تہ ءَ پاکستان ءِ مزنیں ءُ کوھنیں دود ءُ ربیدگ ءِ ورثہ ءِ ذکر کتگ کہ ایشی ءِ تہ ءَ موہنجو دارو ءُ ہراپہ ءِ کوھنیں شہری تہذیب، ٹیکسلا  ءُ  تختِ بائی  ءِ وڑیں بودھ راجدپتری جاہ ھوار اَنت۔ آئی ءَ گوشت کہ شالامار باغ  ءُ  مغلیہ دور ءِ وریں بے دروریں ماڑی  ھوار اَنت ءُ اے درستیں راجدپتری مڈی نوں یک جھان ءِ چاگردی ڈکال ءِ چیر ءَ اَنت۔ آئی ءَ 2022 ءِ تباہ کنوکیں سیلاب ءِ حوالہ دات کہ ایشی ءَ چہ 750 ءَ چہ گیش رجسٹرڈ دود ءُ ربیدگی جاہ آناں تاوان رستگ ات ایشی ءِ تہ ءَ یونیسکو ءِ جھان ءِ ورثہ ءِ جاہ موہنجو دارو ھوار ات۔ آئی ءَ ھشدار داتگ کہ یخ بستگیں جھیل آنی اناگت ءَ چہ قراقرم ہائی وے ءِ کش ءُ گور ءَ کوھنیں راک پینٹنگ ءُ دیامر بھاشا  ءِ دمگ ءِ   پٹروگلفس  آناں ھترہ ءِ آماچ بوھگ ءَ اِنت وھدے کہ دریائی کشگ ءُ دریا ءِ تہ ءَ گیشی ءَ چہ بان بھور ءُ مکلی ءِ راجدپتری قبرستان آناں تاوان رسگ ءَ اِنت۔ آئی ءَ جھان ءِ یکوئی ءِ اپیل کنان ءَ گوشت کہ موسمیاتی بدلی ءِ ھلاسی ءِ حکمت عملی آنی تہ ءَ دود ءُ ربیدگ ءِ ورثہ ءَ را یک اسٹریٹجک مڈی ءِ رنگ ءَ ھوار کنگ بہ بیت، ایشی ءِ تہ ءَ راجی رنگ ءَ ٹھینگ بوتگیں شرپ ءُ راجی موافقت ءِ منصوبگ ھوار اَنت۔ آئی ءَ موسمیاتی آفت آنی سبب ءَ آماچیں دود ءُ ربیدگی ورثہ آنی واستہ تاوان ءُ تاوان ءِ فنڈ ءِ چیر دستی ءَ یک سرپدیں مالیاتی سیل ءِ جوڑ کنگ ءِ ھم تجویز پیش کتگ۔ ایشی ءَ ابید وزیر ءَ آئی سی کروم ءِ سروکی ءَ یک گلوبل نالج پلیٹ فارم ءِ جوڑ کنگ ءِ تجویز پیش کت، ایشی ءِ تہ ءَ سائنسدان، ورثہ ءِ ماہرین، بنجاہی کمیونٹی ءُ ورنا یکجاہ بوت کن اَنت ءُ دود ءُ ربیدگ ءِ سر ءَ بنیات ءِ سر ءَ مھکم ءُ پائیداریں گیواری ءِ دیمروئی ءَ کن اَنت۔ آئی ءَ اقوام متحدہ ءِ گلوبل اسٹاک ٹیک ءَ دود ءُ ربیدگ ءِ سر ءَ بنیات ءِ اشارہ آنی ھوار کنگ ءِ ھم سوج داتگ، دانکہ دود ءُ ربیدگ ءِ تاوان ءِ پیمائش ءِ تہ ءَ گیشی ءِ درجہ حرارت ءِ ھمراھی ءَ کنگ بہ بیت۔ وفاقی وزیر اورنگزیب خان کھیچی 10ءَ چہ 12دسمبر 2025ءَ آئی سی کروم ءِ جنرل اسمبلی ءَ پاکستان ءِ ڈل ءِ سروکی ءَ کنگ ءَ اِنت۔