مزن وزیر شہباز شریف ءَ گوں دگنیا ءِ سروکاں ’’یادگار غیرجانبداری‘‘  ءِ تر ءُ تاب کتگ کہ ترکمانستان ءِ دائمی غیر جانبداری ءِ پالیسی ءِ علامت اِنت

اشک آباد۔12دسمبر  (اے پی پی): مزن وزیر محمد شہباز شریف ءَ گوں دگنیا ءِ سروکاں ’’غیر جانبداری ءِ یادگار‘‘ ءِ تر ءُ تاب کتگ کہ ترکمانستان ءِ دائمی غیر جانبداری ءِ پالیشی ءِ علامت اِنت۔ مزن وزیر محمد شہباز شریف ءَ کہ ترکمانستان ءِ دو روچی تر ءُ تاب ءَ انت آئی ءَ جمعہ ءِ روچ ءَ ترکمانستان ءِ بنجاھی شہر اشک آباد ءَ غیر جانبداری ءِ یادگار ءِ سر ءَ پُل ایر کتگ انت۔ اے موہ ءِ سر ءَ روس ءِ صدر ولادیمیر پوٹن، ترکی ءِ صدر رجب طیب اردوان ءُ ترکمانستان ءِ صدر بردیمحمدو ءَ ھوار بازیں دگنیا ءِ سروک ھم ھوار بوتگ اَنت کہ آھانی گوما مزن وزیر ءَ وشیں گپ ءُ تران کتگ۔ “یادگاری غیر جانبداری” ترکمانستان ءِ دائمی غیر جانبداری ءِ پالیسی ءِ علامت اِنت۔ مزن وزیر محمد شہباز شریف ترکمانستان ءِ تر ءُ تاب ءَ انت کہ آ اشک آباد ءَ امن ءُ بھروسہ ءِ میاں اوستمانی سال، میاں اوستمانی غیر جانبداری ءِ روچ ءُ ترکمانستان ءِ دائمی غیر جانبداری ءِ سیمی سالروچ ءِ درگت ءَ برجم داشتگیں فورم ءَ بہر زورگ ءَ انت۔ مزن وزیر فورم ءَ بہر زوروکیں دگنیا ءِ سروک آنی گوما ھم دو نیمگی گند ءُ نند کنت۔