گیس ءِ سلنڈر ءِ تراک ءِ غمناکیں وئیل ءِ سر ءَ راجی اسمبلی ءِ اسپیکر سردار ایاز صادق ءَ دلپدردی درشان

اسلام آباد۔11جنوری  (اے پی پی):راجی اسمبلی ءِ اسپیکر سردار ایاز صادق ءَ سیکٹر جی 7 اسلام آباد ءَ گیس سلنڈر ءِ تراک ءِ غمناکیں وئیل ءِ سر ءَ سک باز دلپدردی ءُ رنج ءِ درشانی کتگ ءُ گوشت کہ گیس ءِ سلنڈر ءِ تراک ءِ سر ءَ گران بھائیں انسانی جانانی بیرانی ءِ ھال ءِ اشکنگ ءَ چہ دل ٹُکّ اِتگ۔ قومی اسمبلی ءِ سیکرٹریٹ ءِ ڈائریکٹریٹ جنرل آف میڈیا ءِ نیمگ ءَ جاڑی بوتگیں بیان ءِ تہ ءَ اسپیکر سردار ایاز صادق ءَ اے غمناکیں وئیل ءَ بیران بوتگیں مردمانی کھول ءِ گوما دلپدردی ءِ درشانی کتگ ءُ گوشت کہ اے غم ءِ ساھت ءَ آماچیں کھول ءِ گوما اوشتاتگ۔ سردار ایاز صادق ءَ گوشت کہ گیس ءِ سلنڈر تراک ءِ گیش بوھوکیں وئیل سک پریشان کنوک انت۔ آئی ءَ گیس سلنڈر ءِ نا ایمنیں کارمردی ءِ حلاف ءَ سکیں گامگیج چست کنگ ءِ ضلورت ءِ سر ءَ زور پر دات ءُ ہدایت کت کہ سیادی داروکیں ادارگ گیس سلنڈر ءِ سر کنگ، بہا کنگ ءُ کارمردی ءِ ھوالگ ءَ سیفٹی ریگولیشنز ءِ سر ءَ سکیں عملدرآمد ءَ را دل یکیمی بہ کن اَنت۔ اسپیکر راجی اسمبلی ءَ چہ زندگ بوتگیں مردمانی واستہ سگ ءِ دعا ھم کتگ۔