ایس ای سی پی ءِ اصلاحات ءَ چہ کاروباری رجسٹریشن ءَ مزنیں کساسے ءَ گیشی بوتگ ءُ شفافیت ءَ را گہتر کتگ، رواں مالی سال ءِ تہ ءَ 21542 کمپنی رجسٹرڈ بوتگ، سیکیورٹیز اینڈ ایکسچینج کمیشن آف پاکستان

اسلام آباد۔11جنوری  (اے پی پی):ایس ای سی پی ءِ اصلاحات ءَ چہ کاروباری رجسٹریشن ءَ مزنیں کساسے ءَ گیشی ءُ شفافیت ءَ را گہتری اتکگ، رواں مالی سال ءِ تہ ءَ جولائی ءَ چہ دسمبر 2025ءَ تاں 21542 کمپنی رجسٹرڈ کنگ بوتگ انت۔ ءِ پاکستان ءِ رد ءَ اے سال ءَ کمپنی ءِ رجسٹریشن ءَ مزنیں گیشی ءُ کاروباری شفافیت ءَ را گہتر کتگ۔ گوستگیں وھد ءَ اے ادارگ ءَ را مزن وزیر ءِ نیمگ ءَ راجی تک ءَ ”اصلاحات چیمپئن“ ءِ لقب ھم دیگ بوتگ۔ اصلاحات ءَ پد کاروبار بندات کنگ ءِ عمل آسان بوتگ۔ کمیشن ءِ رد ءَ اصلاحات ءَ کاروبار ءِ گوں سیادی داروکیں تعمیل ءِ ھرچ ءُ درچ کم کتگ، سرمایہ کار آنی اعتماد ءَ را گیش کتگ ءُ 2020 ءِ مقابلہ ءَ کمپنی ءِ رجسٹریشن ءَ را 51 درسد گیش کتگ۔ سال، ءُ رواں مالی سال ءِ تہا جولائی دسمبر 2025 ءِ دوران ءَ 21,542 کمپنی رجسٹرڈ کنگ بوتگ انت۔ 99.9% کمپنی آن لائن سسٹم ءِ وسیلگ ءَ سرجمی ءَ رجسٹرڈ کنگ بوتگ اَنت۔ کمیشن ءِ رد ءَ راجی ریگولیٹری اصلاحات ءِ بندات ءِ موہ ءَ مزن وزیر محمد شہباز شریف ءَ ھم ایس ای سی پی ءَ را ’’اصلاحات چیمپئن‘‘ ءِ رنگ ءَ جار جتگ۔ مزن وزیر ءَ کاروباری چاگرد ءَ را گہتر جوڑ کنگ ءَ ادارگ ءِ کرد ءَ را ھم ساڑات۔ اصلاحات ءِ مستریں نکتہ کمپنی ءِ رجسٹریشن ءِ عمل ءِ سرجمیں ڈیجیٹل کنگ اِنت۔ کمیشن ءِ رد ءَ ایس ای سی پی ءِ ای زیڈ فائل سسٹم ءِ وسیلگ ءَ کمپنی رجسٹرڈ کنگ بوھگ ءَ انت۔ ای زیڈ فائل سسٹم فیڈرل بورڈ آف ریونیو، ای او بی آئی ءُ صوبائی محکمہ آں ھوار جتا جتائیں ادارگاں گوں بندوک انت۔ کمیشن ءِ رد ءَ سرکار ءِ یک دریگ ءِ نظام ءِ گوما یکجا کنگ ءَ پد رجسٹریشن ءِ سرٹیفکیٹ جاری کنگ بیت۔ ڈیجیٹل سسٹم ءَ چہ جتا جتائیں کارگس آنی تر ءُ تاب ءِ ضلورت ھلاس بیت، وھد ءُ ھرچ ءُ درچ ءَ را مزنیں کساسے ءَ کم کنگ بیت ءُ سیکیورٹیز اینڈ ایکسچینج کمیشن ءِ گامگیج آناں ھم سرجمیں دگنیا ءَ ستا دیگ بوتگ۔ ورلڈ بینک ءِ بزنس ریڈی 2024 ءِ رپورٹ ءِ تہ ءَ پاکستان 50 ملک آنی تہ ءَ سٹارٹنگ اے بزنس انڈیکس ءِ تہ ءَ ششمی نمبر ءَ بوتگ۔ آئی ایف سی ءِ سروے ءِ تہا حکومت ءَ چہ کاروباری ڈیجیٹل سروسز، آئی ٹی ءِ تیاری ءِ رد ءَ 65 وفاقی ریگولیٹری ادارگ آنی تہ ءَ ایس ای سی پی ششمی نمبر ءَ بوتگ۔ شفافیت ءُ کارپوریٹ گورننس ءِ مھکم کنگ ءِ ھاتر ءَ کمپنی آنی واستہ میاں اوستمانی مالیاتی رپورٹنگ ءِ رہبند آنی رد ءَ مالیاتی رپورٹنگ ءُ تفصیلی انکشاف ءِ ھاتر ءَ المی کنگ بوتگ۔ اینٹی منی لانڈرنگ ءُ ناشرکاری ءِ مالی کمک ءِ گر ءُ دار ءِ ھاتر ءَ فریم ورک ءَ را مھکم کنگ بوتگ، کارپوریٹ حتمی فائدہ مندیں مالک رجسٹری جوڑ کنگ بوتگ، ایف اے ٹی ایف ءِ معیار ءِ رد ءَ رسک ءِ سر ءَ بنیات ءِ نگرانی ءِ نظام ھم دیم ءَ آرگ بوتگ ءُ کاروبار کنگ ءِ آسراتی، شفافیت ءُ جدید ٹیکنالوجی ءِ وسیلگ ءَ دیمروئی ءِ وسیلگ ءَ اصلاحات ءِ سر ءَ عمل کنگ برجاہ بیت۔