اوورسیز پاکستانی آں پروپیگنڈا رد کنگ ءُ وطن ءِ جوڑ کنگ ءُ دیمروئی ءِ ھاترا زرّ ءِ روان دیگ وتی ملک ءِ گوں مہر ءِ مزنیں مثال انت، مزن وزیر شہباز شریف

لاہور۔11جنوری  (اے پی پی):مزن وزیر محمد شہباز شریف ءَ گوستگیں سال ءِ مقابلہ ءَ دسمبر 2025 ءَ ریکارڈ حوالہ جات ءِ روان دیگ ءِ سر ءَ درملکیں پاکستانی آنی منت واری درشان کتگ ءُ گوشت کہ درملکیں پاکستانی آنی پروپیگنڈا ءَ را رد کنگ ءُ وتی ملک ءِ جوڑیشت ءُ دیمروئی ءِ واستہ زرّ ءِ روان دیگ وتی وطن ءِ مزنیں مثال اِنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ دسمبر 2025 ءَ راج دوستیں اوورسیز پاکستانی آں 3.6ارب ڈالر ءِ زرّ دیم داتگ، ایشی ءِ واستہ من منت وار آں ۔ گوستگیں سال ءِ مقابلہ ءَ زرّ ءِ دیم دیگ ءِ تہ ءَ 16.5درسد گیشی درملک ءَ پاکستانی آنی حکومتی پالیشی آنی سر ءَ دل یکیمی ءِ درشان اِنت۔ مزن وزیر ءَ گوشت کہ اوورسیز پاکستانی پروپیگنڈا ءَ را رد کنگ ءُ وطن ءِ جوڑیشت ءُ دیمروئی ءِ واستہ ریمیٹنس ءِ روان دیگ آھاں روان دیگ وتی ملک ءِ واستہ وتی مہر ءِ مزنیں درور انت۔ اوورسیز پاکستانی مئے ارزشتی ایں مڈی انت۔ من ءَ ھوار سرجمیں راج ءَ ایشانی سر ءَ ناز اِنت۔ درملکیں پاکستانی آنی وشھالی ءِ واستہ گامگیج حکومت ءِ اولی ترجی آنی تہ ءَ ھوار اَنت۔