پاکستانی ورناہاں آئی ٹی ءِ میان استمانی معیار ءِ وانگ ءُ زانگ ءُ تربیت ءِ پھجارینگ حکومت ءِ اولی ترجی آنی تہ ءَ ھوار انت، مزن وزیر شہباز شریف

لاہور۔11جنوری  (اے پی پی):مزن وزیر محمد شہباز شریف ءَ گوشت کہ پاکستانی ورنا آناں میاں اوستمانی تک ءِ آئی ٹی ءِ وانگ ءُ زانگ ءِ پھجاری حکومت ءِ اولی ترجی آنی تہ ءَ ھوار انت۔ آئی ٹی ءِ دیمروئی ءِ واستہ عرفہ کریم فاؤنڈیشن ءِ جوڑ کنگ یک وش آتکیں گامگیج اِنت ایشی ءِ واستہ حکومتی تک ءَ ھرچ وڑیں کمک ءَ را دل یکیمی کنگ بیت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی آئی ٹی ءِ ماہر مرحوم عرفہ کریم رندھوا ءِ مات ءُ پت سمینہ امجد، امجد کریم رندھوا ءُ عرفہ کریم فاؤنڈیشن ءِ چیف ایگزیکٹو تبندا اسلام ءَ گوں گپ ءُ تران کنان ءَ کتگ اَنت۔ مزن وزیر ءَ عرفہ کریم ءَ را کسانیں اُمر ءَ آئی ٹی ءِ شوبگ ءَ آئی ءِ ازمت ءُ پاکستان ءَ را شان ءُ شُہاز آرگ ءِ پد ءَ شگر ءُ منت گپت۔ مزن وزیر ءَ گوشت کہ آئی ٹی ءِ شوبگ ءَ عرفہ کریم ءِ امریں ھزمت آنی شناخت ءِ تہ ءَ لاہور ءِ آئی ٹی ٹاور ءِ نام بیران بوتگیں مردم ءِ نام ءَ ایر کنگ بوتگ کہ مرچی عرفہ کریم ٹاور ءِ نام ءَ زانگ بیت۔ حکومت پاکستان ءَ را دمگ ءِ آئی ٹی سیکٹر ءِ مرکز جوڑ کنگ ءِ واستہ شپ ءُ روچ کار کنگ ءَ انت۔ مزن وزیر ءَ گوشت کہ آئی ٹی ءِ شوبگ ءَ ورنا آناں آئی ٹی ءِ وانگ ءُ زانگ ءِ واستہ دلبڈی دیگ بوھگ ءَ اِنت ءُ کاروباری شوبگ ءِ واستہ دلبڈی دیگ بوھگ ءَ اِنت۔ اے سال ءَ ھم وفاقی حکومت چہ مزنیں کارکردگی ءِ نودربراں لیپ ٹاپ ءِ بھر ءُ بانگ کنگ ءَ اِنت۔ نمیرانیں عرفہ کریم ءِ مات ءُ پت ءَ مزن وزیر ءِ سروکی ءَ آئی ٹی ءِ شوبگ ءِ دیمروئی ءِ واستہ حکومتی گامگیج آں ساڑات۔