صدر ءِ مملکت آصف علی زرداری ءَ گیس ءِ سلنڈر تراک ءَ گران بھائیں جانی بیرانی ءِ سر ءَ دلپدردی ءِ درشانی کتگ

اسلام آباد۔11جنوری  (اے پی پی):صدر ءِ مملکت آصف علی زرداری ءَ اسلام آباد ءَ گیس ءِ سلنڈر ءِ تراک ءَ چہ گران بھائیں جانی بیرانی ءِ سر ءَ سکیں دلپدردی ءِ درشان کتگ ۔ یک شمبے ءِ روچ ءَ صدر ءِ مملکت ءَ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ تراک ءَ بیران بوتگیں مردمانی کھول ءِ گوما دلپدردی ءِ درشانی کتگ ءُ ٹپیگ آنی زوت جان سلامتی ءِ دعا کتگ۔ صدر ئِ مملکت ئَ گوشت کہ اے وئیل سک باز رژنائی ئُُ دل ئِ سوب ئَ اِنت، قوم ئَ پُستگیں ھاندان آنی غم ئَ شریک اِنت۔ آئی ءَ ہدایت کت کہ سیادی داروکیں ریگولیٹرز گیس سلنڈر ءِ جوڑیشت، کوالٹی ءُ کارمردی ءِ ھوالگ ءَ سیفٹی ریگولیشنز ءِ سر ءَ سکیں عملدرآمد ءَ را دل یکیمی بہ کن اَنت۔ صدر ئِ مملکت ئَ صوبائی حکومت ئُُ اسلام آباد انتظامیہ ئَ را ہدایت کت کہ آ گیس سلنڈر ئِ ایمنیں کارمردی ئِ ھوالگ ئَ الس آگاہی مہم ئِ بندات بہ کن اَنت۔ صدر آصف علی زرداری ءَ گوشت کہ گران بھائیں جان آنی رکھینگ ریاست ءِ اولی ذمہ واری انت، اے رنگیں وئیل آنی گر ءُ دار ءِ واستہ جوانیں گامگیج المی انت۔