مزن وزیر محمد شہباز شریف ءَ اسلام آباد ءَ سلنڈر حادثہ ءَ گران بہائیں جانی بیرانی ءِ سرا غم ءِ درشانی

لاہور۔11جنوری  (اے پی پی):مزن وزیر محمد شہباز شریف ءَ اسلام آباد ءَ سلنڈر ءِ حادثہ ءَ گران بھائیں جانی بیرانی ءِ سرا غم ءُ اندوہ ءِ درشانی کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ وفاقی جان سلامتی ءِ وزیر، جان سلامتی ءِ سیکرٹری ءُ پمس انتظامیہ ءَ را ہدایت کتگ کہ آ الرٹ بہ بنت ءُ ٹپیگ آناں سرجمیں وش بوھگ ءَ تاں ھرچ وڑیں طبی کمک ءُ آسراتی ءِ پھجارینگ ءَ را دل یکیمی بہ کن اَنت۔ آئی ءَ ٹپیگانی زوت جان سلامتی ءِ دعا ھم کتگ ۔ مزن وزیر ءَ سیکرٹری داخلہ ءَ را ہدایت کتگ کہ آ اے وئیل ءِ سرجمیں پٹ ءُ پول ءَ بہ کنت۔ آئی ءَ اے وئیل ءَ بیران بوتگیں مردمانی مغفرت ءِ دعا کتگ ءُ آھانی کھول ءِ گوما ھمدردی ءِ درشانی کتگ۔ مزن وزیر ءَ اسلام آباد انتظامیہ ءَ را سلنڈر ءِ کارمرد کنگ ءَ ایمنی ءِ گامگیج آنی ھوالگ ءَ شہری آناں سرپد کنگ ءِ ھم ہدایت کتگ۔