پاکستان ءُ امریکہ ءِ نیام ءَ 13می دو نیمگی یکجائی فوجی مشق ، انسپائرڈ گیمبٹ 2026 ، این سی ٹی سی پبی ءَ بندات بیت

راولپنڈی۔10جنوری  (اے پی پی):پاکستان ءُ امریکہ ءِ نیام ءَ 13می دو نیمگی یکجائی فوجی مشق ’’انسپائرڈ گیمبٹ 2026‘‘ ءِ بندات گوستگیں روچ ءَ راجی انسداد ناشرکاری ءِ مرکز پبی ءَ بوتگ۔ آئی ایس پی آر ءِ رد ءَ اے دو ھپتگ ءِ ایکسرسائز انسداد ناشرکاری ءِ پڑ ءَ کنگ بوھگ ءَ اِنت کہ ایشی ءِ تہ ءَ پاکستانی ءُ امریکہ ءِ اُرد ءِ پیشہ واریں لشکر بھر زورگ ءَ اَنت۔ افتتاحی مراگش ءَ دوئیں ملک ءِ مسئولین ءَ بہر زرتگ۔ مشق ءِ مول ءُ مراد ناشرکاری ءِ ھلاپ ءَ تجربگ آنی بدلی ءُ یکوئی ءِ سرپدی ءُ کمک ءَ را گیش کنگ اِنت، ھمے وھد ءَ ناشرکاری ءِ ھلاپ ءَ موثر آپریشن ءِ واستہ المی ئیں پندل، تکنیک ءُ کارروائی آناں گیش گہتر کنگ اِنت۔ شہری جنگی ماحول ءِ تہا نشانگ ءِ مہارت ءِ کارمرز کنگ ءِ ہمراہی ءَ یکے دومی ءِ عملی نظریات ءُ شریں رہبندانی کارمرز کنگ ءِ سرا زور دیگ بوہگ ءَ انت۔ اے وڑیں یکجائی تربیت ءِ مشق بدل بوھوکیں سیکورٹی چیلنج آناں گیش ءُ گیوار کنگ، پیشہ وارانہ فوجی معیار آناں گہتر کنگ ءُ ناشرکاری ءِ ھلاپ ءَ پیچیدہ ماحول ءَ کار کنگ ءِ واستہ دوئیں فورسز ءِ آپریشنل صلاحیت آناں مھکم کنگ ءِ تہ ءَ سک باز ارزشت دار اَنت۔ انسپائرڈ گیمبٹ-2026 ءِ یکجائی مشق پاکستان ءُ امریکہ ءِ امن ءُ ایمنی ءِ واستہ کمک ءِ عزم ءِ درشان انت۔