وفاقی وزیر محمد جنید انور چوہدری ءَ کورنگی ماہی گیری ہاربر اتھارٹی ءَ سی فوڈ پروسیسنگ ءُ ایکسپورٹ زون ءِ جوڑ کنگ ءِ منصوبہ ءِ جار جتگ

اسلام آباد۔10جنوری  (اے پی پی):وفاقی وزیر برائے میری ٹائم محمد جنید انور چوہدری ءَ کورنگی ہاربر فشریز اتھارٹی ءَ 100 ملین ڈالر ءِ ھرچ ءَ 100 ایکڑ ءِ سی فوڈ پروسیسنگ ءُ ایکسپورٹ زون ءِ جوڑ کنگ ءِ منصوبگ ءِ جار جتگ کہ ایشی ءِ مول ءُ مراد پاکستان ءِ جھان ءِ معیشت ءَ را گیش کنگ ءُ دیمروئی کنگ اِنت۔ شمبے ءِ روچ ءَ جاڑی بوتگیں بیان ءِ تہ ءَ وفاقی وزیر ءَ گوشت کہ مجوزہ منصوبگ ءِ چیر دستی ءَ کورنگی ہاربر فشریز اتھارٹی ءَ یک نوکیں سی فوڈ پروسیسنگ ءُ ویلیو ایڈیشن کمپلیکس ءِ جوڑ کنگ، مالی کمک ءُ کارمرز کنگ بیت تانکہ بندرگاہ ءَ را پائیدار ءُ نوکیں ٹیکنالوجی ءِ سر ءَ بنیات ءِ سر ءَ سی فوڈ پروسیسنگ ءِ واستہ دمگی مرکز ءِ رنگ ءَ گلوبل مارکیٹ آنی گوما ھمگرنچ کنگ بہ بیت۔ جنید انور چوہدری ءَ گوشت کہ اے گامگیج ءَ چہ میڈیم اسکیل ءِ سی فوڈ پروسیسرز ءُ ویلیو ایڈڈ پلانٹ آناں نوکیں انفراسٹرکچر، سرٹیفکیشن ءِ معیار ءُ موثر برآمداتی رسد ءِ وسیلگ ءَ جھان ءِ خریدار آناں سر بوھگ ءِ وسیلگ ءَ رسگ بیت۔ آئی ءَ گوشت کہ اے منصوبگ خام سمندری وردن ءِ برآمدات ءَ چہ مزنیں ارزشت ءِ پروسیسڈ پروڈکٹ آنی نیمگ ءَ روگ ءِ حکومت ءِ جزم ءِ درشان اِنت۔ وفاقی وزیر ءِ رد ءَ اے منصوبگ ءَ کراچی ءِ کورنگی فشریز ہاربر ءَ 100 ایکڑ ءِ سر ءَ ڈیڈیکیٹڈ سی فوڈ پروسیسنگ ءُ ایکسپورٹ انفراسٹرکچر ءِ تہ ءَ ھوار کنگ بیت۔ آئی ءَ گوشت کہ اے منصوبگ ءِ کچ ءُ کساس ءِ ھرچ ءُ درچ 60ملین ءَ چہ 80ملین ڈالر ءِ نیام ءَ اِنت کہ اے ویتنام، چین ءُ ایکواڈور ءِ وڑیں ملک آنی تہ ءَ دمگی بنچ مارک آنی سر ءَ بندوک اِنت کہ اودا ھمے رنگیں سی فوڈ پارک جوڑ کنگ بوتگ اَنت۔ آئی ءَ گوشت کہ پیش کرتگیں آسراتی آنی تہ ءَ چاگرد دوستیں گند ءُ نند ءِ ٹریٹمنٹ پلانٹ ءِ گوما ملٹی ٹینٹ سی فوڈ پروسیسنگ یونٹ، مزنیں کچ ءُ کساس ءَ کولڈ اسٹوریج، پیکیجنگ آسراتی، رسد ءُ برآمداتی ٹرمینل ھوار بنت۔ زون ءِ تہ ءَ ایوک ءَ کمرشل سی فوڈ پروسیسنگ، پیکیجنگ، کولڈ اسٹوریج ءُ برآمداتی کارانی واستہ کارمرد کنگ بیت۔ وفاقی وزیر ءَ گوشت کہ اے منصوبگ سرکاری ءُ نجی شریکداری یا بلڈ آپریٹ ٹرانسفر کنسیشن ماڈل ءِ چیر دستی ءَ پیش کنگ بوتگ ایشی ءِ چیر دستی ءَ نجی سرمایہ کار پروسیسنگ زون ءِ جوڑیشت، آپریشن ءُ رکھینگ ءَ کن اَنت وھدیکہ کورنگی فشریز ہاربر اتھارٹی ریگولیٹری نگرانی ءُ آسراتی ءِ وسیلگ ءَ دیم ءَ کاریت۔ دیمروئی ءِ جز آنی سر ءَ گیش ءُ گیوار کنان ءَ وفاقی وزیر ءَ گوشت کہ زون ءَ 20 ءَ چہ 25 میان اُستمانی ءُ مزنیں کچ ءُ کساس ءَ سی فوڈ پروسیسنگ یونٹ جوڑ کنگ بنت کہ آ ماھیگ، کیکڑے ءُ سیفالوپڈز ءِ پروسیسنگ، قدر ءِ گیشی ءُ برآمد ءِ کوالٹی ءِ پیکیجنگ ءِ واستہ جوڑ کنگ بنت۔ اے یونٹ بنجاہی پروسیسنگ ءَ چہ مارکیٹ ءِ تیاریں چیزاں تاں سمندری غذا ءِ چیزانی یک مزنیں رینج ءِ پیداوار ءِ اہل بنت۔ آئی ءَ گوشت کہ منصوبگ ءِ تہ ءَ کولڈ اسٹوریج ءُ بلاسٹ فریزنگ کمپلیکس ھوار بیت، ایشی ءَ چہ مائنس 18 ءَ بگر داں منفی 40 ڈگری سینٹی گریڈ ءَ جتا جتائیں درجہ حرارت ءَ اسٹور کنگ ءِ وس ءُ واک بیت تانکہ تازی، پروسیسڈ ءُ غیر پروسیسڈ سی فوڈ ءَ را ایمنیں رنگ ءَ دیم ءَ برگ بہ بیت۔ چہ 100 ٹن ءِ پیداوار ءِ گنجائش ءِ گوں آئس پلانٹ ءُ فلیک آئس اسٹیشناں مچ ءِ لینڈنگ، پروسیسنگ ءُ ٹرانسپورٹیشن ءِ ضلورت آناں پیلو کنت۔ وفاقی وزیر ءَ گوشت کہ فلیٹنگ، میرینیٹڈ پروڈکٹس، بریڈڈ سی فوڈ ءُ ایکسپورٹ کنونیونس فوڈز ءِ واستہ ھاسیں ویلیو ایڈیشن ءُ ریڈی ٹو ایٹ یونٹ جوڑ کنگ بنت ایشی ءَ چہ پاکستانی برآمد کنوک آناں درملک ءَ پریمیم ریٹیل ءُ فوڈ سروس مارکیٹ آنی تہ ءَ سر بوھگ ءِ موہ رس ایت۔ آئی ءَ گوشت کہ پیکیجنگ ءُ لیبلنگ یونٹ آنی تہ ءَ میاں اوستمانی فوڈ سیفٹی ءُ کوالٹی ءِ معیار ءِ رد ءَ کار کنگ بیت، ایشی ءِ تہ ءَ ایچ اے سی سی پی ءُ آئی ایس او سرٹیفیکیشن ھوار اِنت، ایشی ءِ تہ ءَ ویکیوم پیکنگ، ترمیم کتگیں ایٹموسفیر پیکیجنگ ءُ ریٹیل ریڈی حل ءِ پجارینگ بیت۔ سرمایہ کاری ءِ ڈھانچہ ءِ ھوالگ ءَ جنید انور چوہدری ءَ گوشت کہ ترجیحی ماڈل بی او ٹی رعایت اِنت کہ ایشی ءِ تہ ءَ نجی شریک مالی کمک، دیمروئی ءُ کارروائی کنت وھدیکہ رعایت ءِ وھد ءِ گڈ ءَ ملکیت کورنگی ہاربر فشریز اتھارٹی ءَ را دیم دیگ بیت۔ متبادل ماڈل ءِ تہ ءَ کورنگی ہاربر فشریز اتھارٹی ءُ نجی سی فوڈ برآمد کنوک یا مینوفیکچررز ءِ نیام ءَ دیمروئی ءُ آپریشن شریکداری ھم ھوار بوت کنت۔ آئی ءَ گوشت کہ آمدنی ءِ وسیلگ آنی تہ ءَ لیز کرایہ، پروسیسنگ فیس، کولڈ اسٹوریج ءُ لاجسٹکس سروسز، یوٹیلٹیز ءِ پھجارینگ، برآمد ءِ آمدنی ءِ تہ ءَ شریکداری ءُ ویلیو ایڈڈ پروڈکٹس ءَ چہ منافع ھوار بیت۔ دمگی سی فوڈ پارک ءِ منصوبہ آنی بنیاد ءَ متوقع اندرونی شرح 13 ءُ 17 درسد ءِ نیام ءَ انت۔ وفاقی وزیر ءِ رد ءَ رعایت ءِ مدت 20سال ءِ گمان اِنت کہ ایشی ءِ تہ ءَ توسیپ ءِ امکان ھست اِنت وھدیکہ اے منصوبگ ءِ مالی کمک ءُ آپریشن سرجمی ءَ نجی شعبہ ءِ نیمگ ءَ کنگ بیت۔ کورنگی ہاربر فشریز اتھارٹی زمین، جیٹی ءِ رسائی ءُ ادارہ جاتی آسراتی ءِ وسیلگ ءَ دیم ءَ کاریت۔ منصوبگ ءِ سرجمیں ارزشت ءَ را بیان کنان ءَ وفاقی وزیر ءَ گوشت کہ اے گامگیج ءَ چہ پاکستان ءَ را خلیج، مشرقی افریقہ ءُ ایشیائی مارکیٹ آنی واستہ مزنیں سمندری تجارت ءُ سی فوڈ ایکسپورٹ ہب ءِ رنگ ءَ پیش کنگ بیت۔ آئی ءَ گوشت کہ جدید پروسیسنگ ءُ میاں اوستمانی تک ءَ منگ بوتگیں سرٹیفیکیشن ءِ وسیلگ ءَ دریائی وسیلگ آناں پریمیم سی فوڈ پروڈکٹ آنی تہ ءَ بدل کنگ ءَ چہ برآمداتی ویلیو ایڈیشن ممکن بیت۔ آئی ءَ گوشت کہ یکجاھیں بنیاتی ڈھانچگ ءَ چہ نامینتگیں صنعتی زون ءَ جھان ءِ درجگ ءِ کولڈ چین ءُ پروسیسنگ ایکو سسٹم ءِ پجارینگ بیت وھدیکہ کوسٹل فشنگ کمیونٹیز ءُ کوآپریٹو آناں یکجائی موہ ءُ گنجائش سازی ءِ وسیلگ ءَ نیلیں دیمروئی ءِ تہ ءَ ھوار کنگ بیت۔ جنید انور چوہدری ءَ گوشت کہ اے گامگیج پاکستان ءِ راجی نیلیں معیشت ءِ پالیسی، وژن 2030 ءُ اقوام متحدہ ءِ پائیدار دیمروئی ءِ مول ءُ مراد نمبر 14 (دریا ءِ چیر ءَ زند) ءِ گوما سرجمی ءَ ھمگرنچ اِنت ءُ کراچی بندرگاہ، بندرگاہ قاسم، کورنگی صنعتی شپنگ ءِ راہ ءُ دمگی جہاز رانی ءِ گوما اسٹریٹجک رابطہ آناں کارمرد کنگ بیت۔