خیبر پختونخوا ءَ سیکورٹی فورسز ءَ ہندوستان ءِ کمک ءَ 11 خوارج جنگول کشتگ انت

راولپنڈی۔10جنوری  (اے پی پی):خیبر پختونخوا ءَ سیکورٹی فورسز ءَ انٹیلی جنس ءِ رپورٹ ءِ سر ءَ 11ھندوستان ءِ کمک ءَ خوارج جنگول کش اِتگ اَنت۔ انٹر سروسز پبلک ریلیشنز ءِ رد ءَ 8 جنوری 2026 ءَ خیبر پختونخوا ءِ صوبہ ءَ دو جتا جتائیں آپریشن ءِ تہ ءَ ھندی پراکسی فتنہ الخوارج ءِ سیادی داروکیں 11 خوارج جنگول بیران بوتگ اَنت۔ ضلع. آپریشن ءِ وھد ءَ سیکورٹی فورسز ءَ خوارج ءِ پناہ گاہ ءَ را موثر نشانگ جوڑ کتگ ءُ شدیدیں تیر گواری ءَ پد 6 خوارج ءِ جنگول کش اتگ انت۔ ھمے رنگ ءَ پولیس ءُ سیکورٹی فورسز ءَ ضلع کرم ءَ اطلاعات ءِ بنیات ءَ یکجائی آپریشن کتگ۔ 5 خوارج تیرگواری ءِ بدلی ءَ بیران بوتگ اَنت۔ چہ کُشگ بوتگیں ھندی کمک ءِ خوارج ءَ سلاہ ءُ گولہ بارود ھم برآمد کنگ بوتگ۔ اے خوارج بازیں ناشرکاری کارانی تہا ہوار بوتگ انت کہ آہانی تہا سیکورٹی فورسز، قانون نافذ کنوکیں ادارہ ءُ بے گناہیں شہری ءِ نشانگ جوڑ کنگ بوتگ۔ دمگ ءَ دگہ ھندی حمایت ءِ خوارج ءِ ھلاس کنگ ءِ ھاترا کلیئرنس / سینیٹائزیشن آپریشن برجاہ اِنت۔ نیشنل ایکشن پلان ءِ چیر دستی ءَ وفاقی اپیکس کمیٹی ءِ نیمگ ءَ منظور کتگیں استحکام ءِ جزم ءِ وژن ءِ چیر دستی ءَ سیکورٹی فورسز ءُ کانود نافذ کنوکیں ادارگ آنی نیمگ ءَ بے دروریں انسداد ناشرکاری مہم سرجمیں رفتار ءَ برجاہ بیت تانکہ درملکی سرپرستی ءُ حمایت کتگیں ناشرکاری ءِ آفت ءَ را ملک ءَ چہ سرجمی ءَ ھلاس کنگ بہ بیت۔