سردار ایاز صادق ءَ ایل وائی 80 میزائل ءِ سوبمندیں آزمائش ءِ پد ءَ راج ، پاک بحریہ ءِ انجینئر ءُ سپاھیگاں مبارک بات داتگ

اسلام آباد۔10جنوری  (اے پی پی):راجی اسمبلی ءِ اسپیکر سردار ایاز صادق ءَ ایل وائی 80 سرفیس ٹو ایر میزائل ءِ سوبمندیں آزمائش ءِ سر ءَ راج، پاک بحریہ ءِ انجینئر ءُ فوجی آناں مبارک بات داتگ۔ شمبے ءِ روچ ءَ راجی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ تہ ءَ اسپیکر راجی اسمبلی ءَ پاک بحریہ ءِ انجینئر ءُ سپاھیگ آنی پیشہ وارانہ لیکہ ءَ را شگر ءُ منت درشان کت ءُ گوشت کہ ایل وائی 80 میزائل ءِ سوبمندیں آزمائش پاک بحریہ ءِ مھکمیں ھوائی دفاعی نظام ءِ درشان اِنت۔ ایل وائی 80 میزائل ءِ سوبمندیں آزمائش ءَ گوں ملک ءِ دفاع ءَ را گیش مھکم کنگ بوتگ۔ آئی ءَ گوشت کہ ملک ءِ دفاع ءَ را مھکم کنگ ءَ پاک بحریہ ءِ کرد ستا کرز انت۔ پاکستان ءِ سلاہ بندیں اُرد ءَ ملک ءِ دفاع ءَ را ناقابل تسخیر جوڑ کنگ ءِ ھاترا بے دروریں ھزمت کتگ۔ آئی ءَ گوشت کہ ایل وائی 80 میزائل ءِ سوبمندیں آزمائش پاک بحریہ ءِ انجینئر ءُ فوجی آنی مزنیں پیشہ وارانہ لیکہ ءِ عملی ثبوت انت۔ میزائل ءِ سوبمندیں آزمائش راجی سلامتی ءِ واستہ یک ھاسیں سنگ میل ءِ انت۔ اسپیکر سردار ایاز صادق ءَ گوشت کہ نوکیں دفاعی ٹیکنالوجی ءِ تہ ءَ مہارت پاک بحریہ ءِ پیشہ وارانہ توانائی ءِ درشان انت، پاک بحریہ ءِ پیشہ وارانہ توانائی ءِ درشان انت، پاکستانی اُرد ملک ءِ سیمسر آنی رکھینگ ءِ واستہ مدام ساڑی انت، پاکستانی اُرد ءِ پیشہ وارانہ لیکہ راج ءِ واستہ پھر  ءِ وسیلہ انت۔