سعودی عرب ءِ وزارت حج و عمرہ ءَ حج ءِ زائرین ءِ ھاتر ءَ شرت آناں گڈی رنگ دیگ ءِ منصوبگ ءِ جار جتگ

ریاض ۔ 10جنوری  (اے پی پی):سعودی عرب ءِ وزارت حج ءُ عمرہ ءَ 2026ءِ حج ءِ زیارت ءِ ھاتر ءَ حج ءِ ھاتر ءَ شرت آناں گڈی رنگ دیگ ءِ منصوبگ ءِ جار جتگ۔ العربیہ ءِ رد ءَ اے گامگیج سعودی حج آرگنائزیشن ناسیک ءِ نیمگ ءَ چہ حج ءِ زائرین ءِ واستہ جتا جتائیں ملک آنی نیمگ ءَ تیار کتگیں پروگرام، سروسز ءِ کوالٹی، بندوبست، ءُ ھرچ ءُ درچ آنی سر ءَ چار ءُ تپاسی کنگ بیت۔ وزارت حج ءِ گشگ انت کہ اے منصوبہ زائرین ءِ کمک ءِ ھاترا جوڑ کنگ بوتگ کہ آ وتی لوٹ ءِ آپشن ءَ گچین بہ کن انت ءُ سرکاری واکداراں پیسر ءَ چہ ریزرویشن بہ کن انت ءُ ہمے رنگ ءَ زائرین ءَ را سروسز دیوکیں کمپنیانی تہا سرپدی دیگ بہ بیت۔ اے درگت ءَ تنظیم ءَ حج ءِ زائرین ءِ واستہ ڈیجیٹل ٹولز ءِ کارمرد کنگ ءِ آسراتی ھم ھوار کتگ اَنت، ایشی ءِ تہ ءَ حج ءِ جتا جتائیں پیکج آنی موازنہ کنگ، قسط آنی تہ ءَ آن لائن ادائیگی ءِ آسراتی ءُ سرکاری رنگ ءَ منظور بوتگیں کمپنی آنی لسٹ ءِ سر ءَ سر بوھگ ھوار اِنت۔ وزارت حج ءَ زائرین ءَ چہ لوٹ کتگ کہ آ وتی زانتکاریاں اے پلیٹ فارم ءِ سر ءَ رجسٹرڈ بہ کن اَنت یا اپ ڈیٹ بہ کن اَنت ءُ ھمے رنگ ءَ وتی زاتی زانتکاری ءُ دستاویزات ءِ راستی ءَ را دل یکیمی بہ کن اَنت۔ زائرین ءَ را ھم ھمے درخواست ءِ وسیلگ ءَ وتی ھاندان ءِ مردم آناں ھوار کنگ ءِ ھاترا دلبڈی دیگ بیت تانکہ حج ءِ درخواست آنی تصدیق ءُ منظوری ءَ را ترند کنگ بہ بیت۔ وزارت حج ءَ اے گپ ءِ یک رندے پدا گوشت کہ ناسیک حج ءِ پروگرام ءِ تہ ءَ براہ راست ھواریں ملک آنی تہ ءَ حج ءِ ازمت آنی واستہ ایوکیں سرکاری منظور کتگیں پلیٹ فارم اِنت ءُ زائرین ءَ را غیر مجاز ءُ غیر منظور شدہ کمپنی آنی ھلاپ ءَ ھشدار داتگ۔ وزارت ءَ گوشت کہ دراھیں ڈپازٹ ءُ بکنگ ھمے پلیٹ فارم ءِ وسیلگ ءَ کنگ بہ بنت تانکہ زائرین آنی ھک آنی رکھینگ ءُ جوانیں کارروائی ءَ را دل یکیمی کنگ بہ بیت۔ اے جار ایوک ءَ ھما ملکانی سر ءَ کارمرد بیت کہ آھانی سر ءَ حج ءِ پروگرام ءِ تہ ءَ مستقیمیں رنگے ءَ ھوار اَنت۔