وزیر داخلہ محسن نقوی 18 سالی روچ ءِ درگت ءَ جی پی او ءِ وت کُش اُرش ءِ شہید آناں یات کنائینتگ

اسلام آباد۔10جنوری  (اے پی پی):وزیر داخلہ محسن نقوی ءَ 10 جنوری 2008ءَ جی پی او ءِ وت کُشیں اُرش ءَ وتی جان ندر کتگیں پولیس ءِ کارندہ آناں شگر ءُ منت گپت ءُ آھاں ”پنجاب پولیس ءِ بہادریں زھگ“ ​​گْوشتگ کہ آیاں وتی ڈیوٹی ءِ تہ ءَ وتی جان ندر کتگ۔ شمبے ءِ روچ ءَ وئیل ءِ 18 سالی روچ ءِ درگت ءَ وتی کلوہ ءِ تہ ءَ وزیر توکی کار محسن نقوی ءَ گوشت کہ لاہور پولیس ءِ افسر ءُ مردین آناں راج ءِ ایمنی ءِ واستہ وتی گران بھائیں جان ندر کتگ ءُ شھیدی ءِ مستریں شرپ ءَ رستگ۔ آئی ءَ گوشت کہ شھید ھمت ءُ جزم ءِ ابدمانیں نشان اَنت۔ آئی ءَ گیش کرتگ کہ آھانی قربانی ءَ چہ ملک ءِ راجدپتر ءِ تہ ءَ یک ابدی بابے جوڑ بوتگ۔ آئی ءَ گوشت کہ شھید وتی شھادت ءَ چہ بے مَرگ جوڑ بوت اَنت۔ محسن نقوی ءَ اے گپ ءِ سر ءَ زور پر دات کہ راج ھما بامرد آنی ھاندان ءِ مدیون اِنت کہ آھانی نزیکیں مردماں امن ءِ برجائی ءِ واستہ وتی جان ندر کتگ اَنت۔ آئی ءَ گوشت کہ مئے شھید مئے دل آنی تہ ءَ نشتگ اَنت ءُ مدام زندگ بنت، آ مئے سرانی تاج اَنت ءُ وتی شھید آناں عزت داروکیں راج مدام غالب بنت۔ وفاقی داخلہ ءِ وزیر ءَ پولیس شہید آنی قربانی آناں خراج تحسین پیش کنگ ءُ آہانی ھاندان آنی کمک ءَ را برجاہ دارگ ءِ حکومت ءِ جزم ءِ ھم پدر کت۔