پی ایم وائی پی ءِ چیئرمین رانا مشہود احمد خان ءِ گشگ انت کہ پاکستان اقتصادی وت واجہی ءِ نیمگ ءَ روگ ءَ انت، آئی ایم ایف ءِ پروگرام ءَ چہ جون ءَ درکپیت

اسلام آباد۔10جنوری  (اے پی پی):مزن وزیر ورنا پروگرام ءِ چیئرمین رانا مشہود احمد خان ءَ گشتگ پاکستان آیوکیں سال ءِ جون ءَ تاں انٹرنیشنل مانیٹری فنڈ ءِ پروگرام ءَ چہ درکپیت۔ شمبے ءِ روچ ءَ لندن ءَ پاکستانی کمیونٹی ءِ مچی ءَ گوں گشتانک دیان ءَ آئی ءَ گوشت کہ پاکستان مھکمیں رنگ ءَ اقتصادی وت واجہی ءِ نیمگ ءَ روگ ءَ اِنت ایشی ءَ چہ 2026 ءِ میان ءَ آئی ایم ایف ءِ کمک ءِ ضلورت نہ بیت۔ ملک ءِ نوکیں اقتصادی رھشونی ءَ سرمایہ کار ءُ درملکیں پاکستانی آنی اعتماد بحال کتگ۔ گوستگیں اقتصادی چیلنج آنی حوالہ ءَ رانا مشہود احمد خان ءَ گوشت کہ آئی ایم ایف ءَ گوں سیادی داروکیں پالیشی آنی سبب ءَ 2018 ءَ پد دیمروئی ءِ شرح کم بوتگ بلے استیں حکومت ءَ معیشت ءَ را وشھالی ءِ راہ ءَ ایر کتگ۔ پی ایم وائی پی ءِ چیئرمین ءَ کارکن آنی زرّ ءِ دیم دیگ ءِ تہ ءَ ترندی ءَ گوں گیشی ءِ سر ءَ چمشانک دات۔ اے گپ ءِ سر ءَ دلگوش گور کنگ ءَ کہ اسٹیٹ بینک ءِ رد ءَ 2025 ءَ درملکیں پاکستانی آں ارباں ڈالر ءِ زرّ وتی ملک ءَ روان داتگ اَنت ایشی ءَ چہ ملک ءِ معیشت ءَ را مزنیں دیمروئی رستگ۔ آئی ءِ بیان ءَ اگست 2025 ءَ آئی ءِ پیسریگیں گپانی پدا گشتگ ات کہ پاکستان ”دیمروئی ءِ راہ ءَ انت ءُ زوت آئی ایم ایف ءِ پروگرام ءَ چہ درکپیت۔“ آئی ءَ اے گپ ءِ سر ءَ زور پر دات کہ مالیاتی نظم و ضبط ءُ ڈھانچہ ءِ اصلاحات ءَ چہ ٹھوس آسراتی ءِ دیم ءَ آیگ بندات بوھگ ءَ انت۔ رانا مشہود احمد خان ءَ گوشت کہ برآمدات، پیداواری ءُ ورنا آنی سروکی ءَ کاروباری ءِ سر ءَ برجاہ دلگوشی دیگ ءَ چہ درملکی زرّ ءِ ذخائر ءَ را گیش کنگ ءَ کمک رسیت ءُ گڈ سر ءَ آئی ایم ایف ءِ بیل آؤٹ پروگرام آنی سر ءَ پاکستان ءِ دیریں انحصار ھلاس بیت۔