وزیر داخلہ محسن نقوی ءَ خیبر پختونخوا ءَ جنگولانی حلاف ءَ سوبمندیں آپریشن ءِ ھاتر ءَ سیکورٹی فورسز ءَ را توسیپ ءُ ستا پیش کتگ

اسلام آباد۔10جنوری  (اے پی پی):وفاقی تہی کارانی وزیر محسن نقوی ءَ خیبر پختونخوا ءَ خوارج جنگول آنی ھلاپ ءَ دو سوبمندیں آپریشن کنگ ءِ سر ءَ سیکورٹی فورسز ءَ را شگر ءُ منت گپت کہ ایشی ءِ تہ ءَ 11خوارج جنگول بیران بوتگ اَنت۔ شمبے ءِ روچ ءَ شنگ بوتگیں بیان ءِ تہ ءَ محسن نقوی ءَ سیکورٹی فورسز ءِ پیشہ وارانہ ءُ ترندیں کارروائی ءِ توسیپ کتگ ءُ گشتگ کہ آہاں خوارج ءِ نا شریں منصوبہ ناکام کتگ ءُ دمگ ءَ امن ءِ رکھینگ کتگ۔ آئی ءَ گوشت کہ وھد ءِ سر ءَ ءُ جوانیں آپریشن جنگول آنی ھترہ ءِ ھلاسی ءِ واستہ اُرد آنی بے دروریں جزم ءِ درشان اِنت۔ وفاقی وزیر ءَ گوشت کہ ما سیکورٹی فورسز ءَ را خوارج ءِ ھلاسی ءِ واستہ سوبمندیں آپریشن ءِ سر ءَ سلام پیش کن ایں ءُ اے آفت ءَ را خیبر پختونخوا ءَ چہ کشگ ءِ واستہ جزم آں ۔ محسن نقوی ءَ یک رندے پدا گوشت کہ جنگولی عناصر ءَ را صوبہ ءَ وتی دیم ءِ شُتگیں جاہ نہ رس ایت، راج ءِ برجاھیں کمک ءَ گوں اے وڑیں شدت پسند آنی سرجمیں ھلاسی ممکن بیت۔ آئی ءَ ناشرکاری ءِ ھلاپ ءَ کوشست آناں مھکم کنگ ءُ سرجمیں ملک ءَ دائمی امن ءَ را دل یکیمی کنگ ءِ حکومت ءِ جزم ءِ ھم پدر کت۔