خیبر پختونخوا ءِ الس ءِ جیڑہانی سرجمیں سرپدی ، وفاقی حکومت وتی دائرہ کار ءِ تہا آہانی پائیداریں گیواری ءِ ھاتر ءَ پکوئیں  گامگیج زورگ ءَ انت ، مزن وزیر محمد شہباز شریف

اسلام آباد۔10جنوری  (اے پی پی):مزن وزیر محمد شہباز شریف ءَ گوشت کہ آ خیبر پختونخوا ءِ الس ءِ جیڈھ آنی بابت ءَ سرجمی ءَ سرپد آں ءُ وفاقی حکومت وتی دائرہ کار ءِ تہ ءَ ایشانی برجمیں گیواری ءِ واستہ سنگینیں گامگیج چست کنگ ءَ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ شمبے ءِ روچ ءَ خیبر پختونخوا ءَ چہ السی نمائندگاں مزن وزیر محمد شہباز شریف ءَ گوں گند ءُ نند کتگ، ایشی ءِ تہ ءَ صوبگ ءِ سرجمیں سیاسی جاور ءُ الس ءِ جیڈھ آنی سر ءَ سرجمی ءَ گپ ءُ تران کنگ بوتگ۔ گند ءُ نند ءَ راج ءِ وشھالی، دیمروئی منصوبگ ءُ گورننس ءِ ھوالگ ءَ جیڈھ آنی سر ءَ ھم گپ ءُ تران کنگ بوت۔ مزن وزیر محمد شہباز شریف ءَ گوشت کہ ما خیبر پختونخوا ءِ الس ءِ جیڈھ آنی بابت ءَ سرجمی ءَ سرپد آں ءُ وفاقی حکومت وتی دائرہ کار ءِ تہ ءَ ایشانی برجمیں گیواری ءِ واستہ سنگینیں گامگیج کنگ ءَ انت۔ خیبر پختونخوا ءَ جاری وفاقی دیمروئی منصوبگ آنی وھد ءِ سر ءَ سرجم کنگ ءُ السی جیڈھ آناں گیواری وفاقی حکومت ءِ اولی ترجی آنی تہ ءَ ھوار انت۔ شریکیں مردماں مزن وزیر ءَ را سرپدی دات کہ خیبر پختونخوا ءِ سرکار سرجمی ءَ ناکام بوتگ، گورننس ءِ نام ءَ ھچ نیست، صوبائی حکومت ءَ جان سلامتی، وانگ ءُ زانگ، بنیاتی ڈھانچہ ءُ السی گہبودی ءِ ھوالگ ءَ ھاسیں پالیشی نیست ءُ خیبرپختونخوا ءِ سرکار السی جیڈھ آنی نیمگ ءَ ھچ وڑیں دلگوشی نہ دنت۔ مزن وزیر محمد شہباز شریف ءَ السی نمائندگ آناں زور پر دات کہ آ السی جیڈھ آنی گیواری ءَ را وتی اولی ترجی بہ کن اَنت۔ آئی ءَ گوشت کہ چیزے وھد پیسر آئی ءَ ہری پور ءَ خیبر پختونخوا ءِ نودربر آنی نیام ءَ میرٹ ءِ سر ءَ لیپ ٹاپ بھر ءُ بانگ کتگ، اے ورنا آں گوں گند ءُ نند کنگ ءَ وشی بوتگ، اے ورنا ملک ءِ آیوکیں سرمایہ اَنت، آیوکیں وھد ءَ ھم میرٹ ءِ سر ءَ لیپ ٹاپ دیگ ءِ پالیشی ایشانی واستہ برجاہ بیت تانکہ آ ملک ءِ دیمروئی ءَ وتی سرجمیں کرد ءَ پیلو بہ کن اَنت۔ مزن وزیر محمد شہباز شریف ءَ خیبر پختونخوا ءَ وفاقی سپانسر ءِ دیمروئی منصوبگ آنی ھوالگ ءَ وفاقی وزیر احسن اقبال ءِ سروکی ءَ یک کمیٹی یے جوڑ کتگ کہ آ پشاور ءِ تر ءُ تاب ءَ کنت ءُ اے منصوبگ آنی پیشرفت ءِ چار ءُ تپاسی ءِ واستہ السی نمائندگ آنی گوما گند ءُ نند کنت۔ معاون مزن وزیر ءُ درئی کارانی وزیر اسحاق ڈار، وفاقی وزیر ءِ اھوالکاری ءُ شنگکاری عطاللہ تارڑ، وزیر قانون اعظم نذیر تارڑ، وزیر پارلیمانی امور طارق فضل چودھری، مزن وزیر ءِ  مشیر رانا ثناء اللہ ، کیپٹن ریٹائرڈ صفدر، بابر نواز ایم این اے، ثمر بلور ایم این اے، اختیار ولی (کوآرڈینیٹر مزن وزیر )، مرتضیٰ جاوید عباسی  پیسریگیں  ڈپٹی سپیکر، زاہد خان سابق سینیٹر، ڈاکٹر عباداللہ ایم پی اے، پیر صابر شاہ، سردار مشتاق سابق ایم این اے، شاہ جی گل آفریدی سابق ایم این اے، شہاب الدین خان  رحمت سلام خٹک  ءُ بہرہ مند تنگی ھم ھوار  بوتگ اَنت۔