پی ایم آئی ایف 2026 ءِ مراگش آناں گیش برجا  جوڑ کنگ ءُ جھان ءِ تک ءَ گیشیں بھر زوری ءَ را دل یکیمی کنگ ءِ واستہ پاکستانی سفارت خانہ ءُ ہائی کمشنر آنی گوما بریفنگ سیشن  ءِ بست ءُ بند

اسلام آباد۔9جنوری  (اے پی پی): وفاقی وزیر پٹرولیم علی پرویز ملک ءَ ملک ءِ ھاسیں دارالحکومت آنی تہ ءَ ھواریں پاکستانی سفارتخانہ ءُ ہائی کمشنر آنی گوما بریفنگ سیشن برجم داشتگ تانکہ پاکستان معدنی سرمایہ کاری فورم 2026ءِ مراگش آناں گیش موثر جوڑ کنگ ءُ جھان ءِ تک ءَ گیشیں بھر زوری ءَ را دل یکیمی کنگ بہ بیت۔ اے گند ءُ نند ءَ درملک ءَ پاکستانی مشن آنی گوما آن لائن کنگ بوت ایشی ءِ تہ ءَ پٹرولیم ڈویژن ءِ سینئر افسر ءُ ھاسیں سرکاری ادارگ آنی نمائندگ آنی تہ ءَ بھر زوری بوت۔ گند ءُ نند ءِ تہ ءَ راجی اقتصادی اولیت آنی گوما سفارتی سیادی آناں یکجا کنگ ءُ پی ایم آئی ایف 2026 ءَ را پاکستان ءِ معدنی ءُ اشکر ءِ چات ءُ کار کنگ ءِ شوبگ ءَ سرمایہ کاری ءِ واستہ یک نامداریں گلوبل پلیٹ فارم ءِ رنگ ءَ دیمروئی دیگ ءِ سر ءَ دلگوشی دیگ بوت۔ بریفنگ ءِ ساھت ءَ وفاقی وزیر ءَ پی ایم آئی ایف 2026 ءِ وژن، دائرہ کار ءُ اسٹریٹجک ارزشت ءِ سر ءَ زور پر دات ءُ اے گپ ءِ سر ءَ زور پر دات کہ فورم راجی اقتصادی ایجنڈا ءِ بنیات ءَ ایر اِنت۔ آئی ءَ سفیر ءُ ہائی کمشنر آناں زور پر دات کہ آ میزبانیں ملک آنی تہ ءَ سروکیں اشکر ءِ چات ءُ کار کنگ کمپنی، ادارگی سرمایہ کار، زانشتی ادارگ ءُ سیادی داروکیں حکومتی واکدار آنی گوما سرگرمیں سیادی ءِ جوڑ کنگ ءَ چہ گیش ءُ گیواریں میاں اوستمانی بھر زوری ءِ آسراتی ءَ را جوڑ بہ کن اَنت۔ وفاقی وزیر ءَ گوشت کہ پی ایم آئی ایف 2026 اشکر ءِ چات ءُ کار کنگ ءِ سرپدی ءَ را گیش کنگ، اقتصادی کاروائی آناں مھکم کنگ ءُ پاکستان ءِ معدنی شوبگ ءَ پائیدار سرمایہ کاری ءَ را گیش کنگ ءِ واستہ یک کلیدی پلیٹ فارم ءِ ثابت بیت۔ پی ایم آئی ایف 2025ءِ کامیابی ءِ یات ءَ کنان ءَ وفاقی وزیر ءَ گوشت کہ گوستگیں فورم ءَ را میاں اوستمانی معیار ءِ رد ءَ برجم دارگ بوتگ ایشی ءَ چہ جوانیں آسراتی رستگ۔ فورم ءِ تہ ءَ 50 ءَ چہ گیش ملک آنی 5ہزار ءَ چہ گیش نمائندہ آنی بھر زوری بوتگ وھدیکہ دگنیا ءِ نامداریں کمپنی آنی گوما 14مفاہمت نامہ ءِ سر ءَ دستخط کنگ ءَ پاکستان ءِ معدنی شوبگ ءِ سر ءَ گیش بوھوکیں میاں اوستمانی بھروسہ ءِ درشان بوتگ۔ اے رپک ءَ را برجاہ دارگ ءَ پی ایم آئی ایف 2026 ءَ را یک اسٹریٹجک اقتصادی گامگیج ءِ رنگ ءَ برجم دارگ بوھگ ءَ اِنت کہ ایشی ءِ مول ءُ مراد پاکستان ءِ معدنی ءُ اشکر ءِ چات ءُ کار کنگ ءِ شوبگ ءَ را پائیدار دیمروئی ءُ دراجیں مدتی ارزشت ءِ پیداک کنگ ءِ نیمگ ءَ برگ اِنت۔ پاکستانی سفیراں پاکستان ءِ وتی مزنیں سفارتی نیٹ ورک ءَ را پی ایم آئی ایف 2026 ءِ تہ ءَ مھکم ءُ جتا جتائیں میاں اوستمانی بھر زوری ءِ آسراتی ءِ واستہ کارمرد کنگ ءِ عزم ءِ سر ءَ زور پر دات۔ جواہر سنگ نمائش ءُ یک ٹوھیں ریسورس لائبریری ءُ ڈیٹا ءِ سرا کار کنوکیں سرمایہ کاری ءِ فیصلہانی  کمکار سہرا بیت۔