نائب مزن وزیر سینیٹر  محمد اسحاق ڈار ءَ اقتصادی گہتری کار آنی  ھوالگ ءَ دیوان ءِ سروکی

اسلام آباد۔9جنوری  (اے پی پی): نائب مزن وزیر ءُ درئی کارانی وزیر ایس محمد اسحاق ڈار ءَ جمعہ ءِ روچ ءَ اقتصادی گہتری کار ءِ ھوالگ ءَ دیوان ءِ سروکی ءَ کت، ایشی ءِ تہ ءَ آئی ءَ پاکستان ءِ اقتصادی ءُ دیمروئی پالیشی ءِ جوڑ کنگ ءَ پلاننگ کمیشن ءِ کرد ءُ مرکزیت ءِ سر ءَ زور پر دات۔ نائب مزن وزیر ءِ کارگس ءِ نیمگ ءَ جاڑی بوتگیں بیان ءِ رد ءَ سینیٹر  محمد اسحاق ڈار ءَ زور پر دات کہ پلاننگ کمیشن ءَ را بااختیار کنگ بہ بیت تانکہ آ اسٹریٹجک پالیشی ءِ اولیت جوڑ کنگ ءُ سرکاری سرمایہ کاری ءِ سر ءَ جوانیں رنگ ءَ نگرانی ءِ تہ ءَ سروکیں کرد پیلو بہ کنت۔ نائب مزن وزیر ءَ گوشت کہ پلاننگ کمیشن مزن وزیر ءِ براہ راست اتھارٹی ءِ چیر دستی ءَ یک  ٹوھ تریں ادارگ ءِبستار ءَ  کار بہ کنت، ایشی ءِ تہ ءَ یک یکجاھیں پالیسی ءُ منصوبگ بندی ءِ بالاد ءُ یک جتاھیں دیمروئی بالاد ءِ سر ءَ ھوار بہ بیت۔ آئی ءَ گوشت کہ توامیں مزنیں اقتصادی شوبگ آناں راجی اقتصادی حکمت عملی ءِ گوما یکجا کنگ بہ بیت ءُ آھانی واستہ کارکردگی ءِ ھاسیں ارزشتی ایں  اشارہ جوڑ کنگ بہ بنت تانکہ احتساب، کارکردگی ءُ حکومتی یکوئی ءَ را دل یکیمی کنگ بہ بیت۔ آئی ءَ گوشت کہ پلاننگ کمیشن ءَ را اقتصادی شوبگ آنی واستہ یک مرکزی کلیئرنگ ہاؤس ءِ کرد پیلو کنگ لوٹ ایت کہ ایشی ءَ چہ پالیسی ءِ رچ، یکجاھیں دیمروئی منصوبگ بندی ءُ پاکستان ءِ اقتصادی گورننس ءَ را مھکم کنگ ءِ واستہ پائیدار گہتری کار آنی سر ءَ عمل درآمد ءِ تہ ءَ وزارت ءُ ڈویژن آناں رہشونی رس ایت۔ ایشی ءِ تہ ءَ وفاقی وزیر ھزانگ، منصوبگ بندی ءُ ھاسیں گامگیج ءُ موسمی مٹ ءُ بدلی، ھزانگ ءُ آمدنی ءِ وزیر ءِ مملکت، مزن وزیر ءِ ھاسیں کمکار طارق باجوہ، سیکرٹری پلاننگ، نیشنل کوآرڈینیٹر ایس آئی ایف سی  ءُ سیادی داروکیں وزارت ءُ ڈویژن آنی مزنیں افسر آں بھر زوری کت۔