ایچ بی ایل پی ایس ایل ءِ تہا دو نوکیں فرنچائزز ءِ ہوار کنگ ءَ لیگ ءَ را نوکیں طاقت، جوش ءُ جہانی تک ءَ گیشتر وقار رستگ، محسن نقوی

لاہور۔9جنوری  (اے پی پی): پی سی بی ءِ چیئرمین محسن نقوی ءَ گشتگ کہ پاکستان سپر لیگ ءَ یک رندے پدا راجدپتر جوڑ کتگ ءُ اے گپ ءِ ثبوت داتگ کہ اے لیگ نہ ایوک ءَ کرکٹ ءِ علامت جوڑ بوتگ بلکینگ ءَ سرجمیں راج ءِ جزبگ ءُ پاکستان ءِ رژنائیں باندات ءِ علامت جوڑ بوتگ۔ ایچ بی ایل پی ایس ایل ءِ تہا دو نوکیں فرنچائزز ءِ ہوار کنگ ءَ لیگ ءَ را نوکیں طاقت، جوش ءُ جزبگ ءُ عالمی سطح ءَ گیش وقار داتگ۔ وتی برجاھیں کلوہ ءِ تہ ءَ آئی ءَ گوشت کہ حد آباد ءُ سزالکوٹ ءِ آیگ ءَ پد پی ایس ایل نوں یک مھکمیں ءُ سرجمیں لیگ ءِ جوڑ بوتگ کہ ایشی ءِ تہ ءَ 8 ٹیم ھوار اَنت۔ فرنچائز نیلامی ءِ عمل ءَ 9 مزنیں سرمایہ کار آنی بھر زوری ءَ پی ایس ایل ءِ گیش بوھوکیں مقبولیت ءُ تجارتی ارزشت ءَ را پدر کتگ۔ نیلامی ءِ اولی راؤنڈ ءَ ایف کے ایس گروپ ءَ ٹیم حیدرآباد ءَ را 1.75ارب کلدار ءَ گپتگ ءُ نوکیں ریکارڈ جوڑ کتگ ءُ دومی راؤنڈ ءَ اوز گروپ ءَ ٹیم ساہلکوٹ 1.85ارب کلدار ءَ زرتگ ءُ پی ایس ایل ءِ راجدپتر ءِ گران تریں فرنچائز جوڑ بوتگ۔ آئی ءَ گوشت کہ سوبمندیں نیلامی ءَ چہ پد پی ایس ایل ءِ کمرشل ویزیبلٹی ءَ مزنیں گیشی یے بوتگ، ایشی ءَ را ماہرین پاکستان کرکٹ ءِ واستہ مزنیں سوبمندی ءِ گوشگ ءَ انت۔ اے دیمروئی ءَ اے گپ ثابت کتگ کہ پی ایس ایل ءِ جھان ءِ تک ءَ یک مھکمیں برانڈ جوڑ بوتگ ءُ سرمایہ کار آنی بھروسہ ھمک روچ ءَ گوں گیش بوھگ ءَ اِنت۔ پاکستان کرکٹ بورڈ ءِ چیئرمین محسن نکوی ءَ گوشت کہ حیدرآباد ءُ سالاکوٹ ءِ ھوار کنگ ءَ چہ پی ایس ایل ءَ را گیش مھکم بیت ءُ لیگ ءِ گلوبل ریچ ءَ ھم مزنیں کساسے ءَ گیشی بیت۔ آئی ءَ گوشت کہ اے کامیابی پاکستان کرکٹ ءِ سر ءَ گیش بوھوکیں دل یکیمی ءِ پدریں گواہ انت۔ پی ایس ایل ءِ چیف ایگزیکٹو آفیسر سلمان نصرہ ءَ گشتگ کہ نوکیں ٹیم کرکٹ ءِ شوقینانی جوزگ ءُ جزبگ ءَ را نوکیں رنگ ءُ دروشمے دنت ءُ ٹورنامنٹ ءَ را گیش دلچسپ ءُ دلکش جوڑ کنت۔ آئی ءِ رد ءَ پی ایس ایل ھمک سال نوکیں ریکارڈ جوڑ کنگ ءَ اِنت ءُ سرجمیں دگنیا ءَ پاکستان ءِ جوانیں دروشم ءَ پیش دارگ ءَ اِنت۔ ٹیم حیدرآباد ءِ فرنچائز ءِ واھند فواد سرور ءَ گوشت کہ آ پی ایس ایل ءَ نوکیں انتظامی، پیشہ وارانہ نظام ءُ مزنیں کوالٹی ءِ کرکٹ ءَ را دیم ءَ کاراں۔ آئی ءَ گوشت کہ حیدرآباد ٹیم شائقین آنی بھروسہ ءُ محبت ءَ را برجم دار ایت۔ ٹیم سیالکوٹ ءِ مالک حمزہ مجد ءَ جذباتی رنگ ءَ گشتگ کہ آ شائقین ءِ جذبہ ءُ مہر ءِ سرجمیں نمائندگی کنت ءُ پی ایس ایل ءَ نوکیں روح ءِ ساہ کشیت۔ آئی ءِ رد ءَ سیالکوٹ ٹیم دگنیا ءَ جہد ، شرپ ءُ جزبگ ءِ نشان جوڑ بیت۔ کرکٹ سرکلز ءِ گشگ انت کہ دو نوکیں ٹیم آنی ھوار کنگ ءَ پی ایس ایل ءِ مقابلہ گیش شدید، دلکش ءُ یاتگار بنت، ھمے وھد ءَ ورنائیں کھڈکار آناں ھم وتی مہارت ءِ درشان کنگ ءِ گیشیں موہ رس ایت۔ مرچی ایچ بی ایل پی ایس ایل ایوک ءَ یک فکسچرے نہ بوتگ بلکیں پاکستانی راج ءِ واستہ کرکٹ ءِ واب، جوزگ ءُ رژنائیں آیوکیں وھد ءِ علامت جوڑ بوتگ۔