مزن وزیر شہباز شریف ءَ ہائی لاس فیڈراں شمسی توانائی ءَ بدل کنگ ءِ پنت ءُ شون کتگ، خیبر پختونخوا ءُ بلوچستان ءَ پائلٹ پروجیکٹانی سرا ترندی ءَ کار بندات کنگ بہ بیت

اسلام آباد۔9جنوری  (اے پی پی): مزن وزیر محمد شہباز شریف ءَ صوبائی حکومت آنی کمک ءَ ہائی لاس فیڈر آناں شمسی توانائی ءَ بدل کنگ ءِ پنت ءُ شون کتگ ایشی ءَ چہ تاوان ءِ فیڈر آنی تاوان ءَ را مزنیں کساسے ءَ کم کنگ بیت ءُ اے دمگ آنی تہ ءَ بجلی ءِ برجاھیں سپلائی ءَ را دل یکیمی کنگ بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ سروکی ءَ ملک ءِ دوریں دمگ آناں بجلی ءِ بے رکاوٹیں سپلائی ، سولرائزیشن ءُ بجلی ءِ شوبگ ءَ برجاھیں اصلاحات ءِ ھوالگ ءَ چار ءُ تپاسی دیوان برجم دارگ بوتگ ایشی ءِ تہ ءَ نائب وزیر مزن وزیر درشہم پاور سید سردار اویس احمد خان لگاری، پٹرولیم ءُ نیچرل گیس ءِ وزیر علی پرویز ملک، وزیر ءِ مملکت بلال اظہر کرنی، خیبر پختونخوا ءُ بلوچستان ءِ چیف سیکرٹری، خزانچی ءُ اے دگہ مزنیں سرکاری کارندہ ساڑی اتنت۔ مزن وزیر ئَ پنت ءُ شون کت کہ کمیونٹی ئُُ صوبائی حکومت ئِ کمک ئَ ہائی لاس پاور فیڈر آناں سولر انرجی ئِ تہ ئَ بدل کنگ بہ بیت۔ اے گامگیج ءَ چہ تاوان ءِ سبب جوڑ بوؤکیں فیڈر آنی تاوان کم بنت ءُ اے دمگ آنی تہ ءَ بجلی ءِ برجاھیں سپلائی ءَ را دل یکیمی کنگ بیت۔ مزن وزیر ءَ اے ھم پنت ءُ شون کت کہ پیسکو ءُ کیسکو ءِ ہائی لاس فیڈر آنی تہ ءَ زوت پائلٹ پروجیکٹ بندات کنگ بہ بنت ءُ پائلٹ پروجیکٹ آناں سوبمند کنگ ءِ واستہ دمگ ءِ گچین بوتگیں نمائندگ آنی گوما شور ءُ سلاھ کنگ بہ بیت ءُ کمیونٹی ءِ بھر زوری کنگ بہ بیت۔ دیوان ءَ پیسکو ءُ کیسکو ءِ تاوان ءِ فیڈر آناں شمسی توان ءِ تہ ءَ بدل کنگ ءِ ھوالگ ءَ سرجمیں بریفنگ دیگ بوت۔ اے وڑیں فیڈر آناں شمسی توانائی ءَ بدل کنگ ءَ چہ دمگی آبادی ءِ واستہ چاگرد دوست، کم ھرچ ءُ درچ ءُ پائیدار مائیکرو گرڈ جوڑ بیت۔ اے منصوبہ ءِ تہا بنجاہی آبادی، صوبائی ءُ وفاقی حکومت شریک بنت۔ دیوان ءَ گوشگ بوت کہ اے منصوبگ ءَ چہ نہ ایوک ءَ کمیں بجلی پُجاری بیت بلکینگ ءَ آیوکیں وھد ءَ بجلی ءِ بھر ءُ بانگ ءِ کمپنی آنی تاوان ءَ را ھم سک باز کم کنگ بیت۔ منصوبگ ءِ اصولی منظوری دیگ ءِ وھد ءَ مزن وزیر ءَ پنت ءُ شون کت کہ خیبر پختونخوا ءُ بلوچستان ءَ پائلٹ پراجیکٹس آنی سر ءَ زوت کار بندات کنگ بہ بیت۔