پی ایس ایل ءِ تہا 2 نوکیں ٹیم ءِ ہوار کنگ ءَ چہ کرکٹ ءِ دیمروئی ءُ نوکیں ٹیلنٹ ءِ پیداک بوہگ ءَ کمک رسیت، مزن وزیر

اسلام آباد۔9جنوری  (اے پی پی): مزن وزیر محمد شہباز شریف ءَ گوشت کہ پی ایس ایل ءَ 2 نوکیں ٹیم آنی ھوار کنگ ءَ چہ کرکٹ ءِ گراس روٹ تک ءَ دیمروئی دیگ ءُ نوکیں ٹیلنٹ آنی دیم ءَ آیگ ءَ کمک رسیت۔ اے گپ وشیں گپے کہ میاں اوستمانی کمپنی بولی ءِ ھاترا دیم ءَ اتکگ انت۔ اے عمل ءَ پاکستان ءَ درملکی سرمایہ کاری ءَ را دیمروئی داتگ۔ ملک ءِ دیمروئی ءِ تہا اوورسیز پاکستانی آں ہم مزنیں کردے پیلو کتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں پریس ریلیز ءِ رد ءَ پاکستان سپر لیگ ءِ تہ ءَ 2 نوکیں ٹیم آنی واستہ بولی دیوکیں فرم آنی نمائندگ آناں مزن وزیر محمد شہباز شریف ءَ گوں گند ءُ نند کتگ۔ نمائندگاں فرم “O-Z ڈویلپرز” ھوار ات کہ آئی ءَ ٹینڈر رستگ ات۔ ٹیم حدمور آباد ءِ زرتگیں فرم ”ایف کے ایس“ ءِ حمزہ مجدوز ءُ فواد سرور ھوار اتنت۔ گند ءُ نند ءَ وفاقی وزیر داخلہ کار محسن نقوی ءُ وفاقی وزیر اھوالکاری ءُ نشریات عطا اللہ ترار ھم ساڑی ات۔ مزن وزیر ءَ ٹیم سالاکوت ءُ ٹیم ہدمور آباد ءِ نمائندگ آناں مبارکی دات ءُ آھانی واستہ نیکیں واھشت آنی درشان کت۔ مزن وزیر ءَ بولی ءِ سوبمندیں عمل ءِ پد ءَ پاکستان کرکٹ بورڈ ءِ چیئرمین محسن رضا نقوی ءُ پی سی بی ءِ انتظامی ءَ را شگر ءُ منت گپت۔ مزن وزیر ءَ گوشت کہ پی ایس ایل ءِ نوکیں ٹیم آنی واستہ بولی ءِ عمل ٹی وی ءِ سر ءَ براہ راست شنگ کنگ بیت ایشی ءِ ساپ ءُ سلہ ئی ءِ پدریں ثبوت انت۔ دو نوکیں ٹیم آنی ھوار کنگ ءَ چہ گراس روٹ لیول ءَ کرکٹ ءِ دیمروئی ءُ نوکیں ٹیلنٹ ءِ پیداک بوھگ ءَ کمک رسیت۔ اے دوئیں نوکیں ٹیم پی ایس ایل ءِ واستہ یک ساہ ءِ ثابت بنت۔ مزن وزیر ءَ گوشت کہ اے سک باز وش اتک انت کہ میاں اوستمانی فرم اے دوئیں ٹیم آنی واستہ بولی ءِ واستہ دیم ءَ اتکگ انت۔ اے عمل ءَ پاکستان ءَ درملکی سرمایہ کاری ءَ را دیمروئی داتگ۔ اوورسیز پاکستانی ملک ءِ دیمروئی ءِ تہا چہ زمانگ ءَ چہ ھاسیں کرد پیلو کنگ ءَ انت۔ پی ایس ایل ءِ نوکیں ٹیم آنی واستہ بولی ءِ عمل ءَ ملکی ءُ میاں اوستمانی فرم آنی واھگ ءِ درشانی ءِ راہ ءُ در چہ میاں اوستمانی تک ءَ پی ایس ایل ءِ مقبولیت ءَ چہ زانگ بیت۔