مزن وزیر شہباز شریف ءَ گران بھائیں تلاہ  ءُ قیمتی سنگ ءِ شوبگ ءَ گہتری ءِ واستہ راجی پالیشی فریم ورک ءَ را اصولی منظوری داتگ۔ ملک ءِ جیمز سٹونز ءِ بنزہ 450 ارب ڈالر ائیگ اَنت دیوان ءَ را بریفنگ

اسلام آباد۔9جنوری  (اے پی پی): مزن وزیر محمد شہباز شریف ءَ گران بھائیں تلاہات ءُ قیمتی سنگ آنی شوبگ ءَ گہتری ءِ واستہ راجی پالیشی فریم ورک ءَ را اصولی منظوری داتگ ءُ ایشی ءَ را میاں اوستمانی لوٹ آنی گوما ھمگرنچ کنگ ءِ واستہ اصولی منظوری داتگ۔ آئی ءَ گوشت کہ پاکستان ءَ گوھر ءُ گران بہائیں سنگ آنی مزنیں بنزہ است انت۔ امبار ءِ جغرافیہ ءُ کوالٹی ءِ زانگ ءِ ھاتر ءَ اسٹریٹجک اڈہ آنی سر ءَ جیو فزیکل سروے کنگ بہ بیت۔ پالیسی فریم ورک ءَ درملکی سرمایہ کاری ءِ واستہ سازگاریں چاگرد ءِ پجارینگ ءَ را اولی ترجی دیگ بہ بیت۔ پاکستانی گران بھائیں تلاہات وتی کوالٹی ءِ سبب ءَ سرجمیں دنیا ءَ شنگ ءُ تالان انت۔ قاچاق ءِ گر ءُ دار ءُ قانونی رنگ ءَ برآمد کنگ ءَ چہ ارباں ڈالر ءِ زرّ ءِ زرّ رسگ ءَ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ملک ءِ گوھر ءُ گران بھائیں سنگ آنی بنزہ، شوبگ ءِ گہتری، برآمدات ءِ تہ ءَ گیشی ءُ نوکیں ٹیکنالوجی ءِ سر ءَ عمل درآمد ءِ ھوالگ ءَ مزن تک ءِ دیوان برجم دارگ بوت۔ گند ءُ نند ءَ وفاقی وزیر نذیر ترار، علی پرویز ملک، وزیر ءِ مملکت بلال اظہر کہنی، ھاسیں کمکار ہارون اختر ءُ ہمگرنچیں مزن مزنیں کارندہ آں شریک کت۔ گند ءُ نند ءَ پاکستان ءَ گوھر ءُ گران بھائیں سنگ آنی توانائی، دمگی تقابلی تجزیہ، برآمدات ءَ را گیش کنگ ءِ واستہ لوٹوکیں گامگیج ءُ راجی پالیشی فریم ورک ءِ لیکہ ءُ کلیدی دور ءِ سر ءَ عمل کنگ ءِ ھاترا ٹارگٹ آنی بابت ءَ سرپدی دیگ بوت۔ مزن وزیر ءَ اے سال ءَ پالیسی فریم ورک ءِ چیر دستی ءَ داتگیں گامگیج آنی سر ءَ عمل درآمد ءِ سر ءَ چار ءُ تپاسی کت، ایشی ءِ بنیات ءَ اولیت آنی ھوالگ ءَ سروے کنگ بوتگ۔ آئی ءَ امبار ءِ جغرافیہ ءُ ارزشت ءِ پجارینگ ءِ ہدایت کتگ۔ مزن وزیر ءَ ہدایت کت کہ اے درگت ءَ درستیں سیادی داروکیں ادارگ، صوبائی حکومت ءُ اسٹیک ہولڈر آنی گوما شور ءُ سلاھ کنگ بہ بیت، لیبارٹری ءُ سرٹیفیکیشن ءِ میاں اوستمانی معیار آنی سر ءَ عمل درآمد ءِ واستہ ترندیں گامگیج چست کنگ بہ بنت ءُ پالیسی فریم ورک ءِ تہ ءَ درملکی سرمایہ کاری ءِ واستہ موزوں چاگرد ءِ پھجاری ءَ را اولی ترجی دیگ بہ بیت۔ مزن وزیر ءَ گوشت کہ اے سال ءَ ملک ءَ گوھر ءِ ھوالگ ءَ دو مثالی سنٹر آف ایکسیلنس ءِ سر ءَ سرجمی ءَ عمل کنگ بہ بیت، چیاکہ پاکستان ءَ گوہر ءِ بنزہ ءِ مقابلہ ءَ برآمدات کم انت۔ آئی ءَ گوشت کہ اے شوبگ ءَ پرائیویٹ کمپنی ھاسیں رنگ ءَ ورنا کاروباری مردم آناں دلبڈی دیگ بہ بیت۔ پاکستانی گران بھائیں تلاہات وتی زیبائی ءِ سبب ءَ سرجمیں دنیا ءَ شنگ ءُ تالان انت کہ ایشی ءَ چہ اسمگلنگ ءُ قانونی برآمد ءِ گر ءُ دار ءِ وسیلگ ءَ ارباں ڈالر ءِ درملکی زرّ پیداک بیت۔ مزن وزیر ءَ ہدایت کت کہ میاں اوستمانی تک ءَ نامداریں زانتکار آنی کمک ءَ پالیسی فریم ورک ءِ سر ءَ عمل درآمد ءِ تہ ءَ استیں رکاوٹ آناں دور کنگ بہ بیت۔ مزن وزیر ءَ وزارت ءِ ھزانگ ءَ را ھم ہدایت کت کہ آ شوبگ ءِ دیمروئی ءِ واستہ استیں مالی وسیلگ آناں زوت پجاری بہ کنت۔ آئی ءَ دیوان ءَ گوشت کہ پاکستان ءَ گران بھائیں تلاہ ءُ گران بھائیں تلاہ ءِ مزنیں بنزہ است انت کہ قدامت پسندی ءِ رد ءَ 450ارب ڈالر ءِ اندازگ انت۔ اے وھد ءَ پاکستان ءَ اے شوبگ ءَ گوں 5000 ءَ چہ گیش کمپنی ءُ کاروباری ادارگ ھمگرنچ اَنت کہ آ پاکستان ءَ دست کپتگیں 30 ءَ چہ گیش گران بھائیں تلاہ ءِ پروسیسنگ ءِ سر ءَ کار کنگ ءَ اَنت۔ زمرد، عقیق، یاقوت، ٹوپاز ءُ نیلگیں  عقیق ءِ امبار ءِ سر ءَ انت۔ دیوان ءَ گیش گوشگ بوت کہ پاکستان ءِ برآمدات 450ارب ڈالر ءِ بنزہ ءِ ھلاپ ءَ سالی 5.8ملین ڈالر انت۔ وزارت صنعت ءُ تجارت ءَ راجی پالیسی فریم ورک ءِ سر ءَ عمل درآمد ءِ وھد ءَ جیڈھ آنی پجارینگ ءَ پد اولویت ءِ گامگیج آنی یک سرجمیں منصوبگ جوڑ کتگ کہ ایشی ءَ چہ پاکستان 5سال آنی تہ ءَ گہتری ءِ وسیلگ ءَ اے شوبگ ءِ درآمد آنی تہ ءَ یک ارب ڈالر ءِ ٹارگٹ ءَ را سر کنگ ءِ ھاترا توانمند بیت۔ گند ءُ نند ءَ گیش گوشگ بوت کہ رواں سال ءِ ساھت ءَ وزارت صنعت ءُ کامرس قیمتی سنگ آنی ویلیو چین ءَ را راجی معیشت ءِ تہ ءَ یکجا کنگ ءِ سر ءَ کار کنت، پاکستان ءَ سنگ آنی پروسیسنگ ءِ وسیلگ ءَ ارزشت ءِ گیش کنگ ءُ نجی شوبگ ءِ نوکیں ٹیکنالوجی ءُ تربیت ءِ سر ءَ عمل کنگ ءِ ھوار برانڈ پاکستان ءِ دیم ءَ آرگ ءِ سر ءَ کار کنت۔ پالیسی فریم ورک ءِ تہ ءَ میاں اوستمانی ءِ سرٹیفیکیشن ءِ ھاتر ءَ گامگیج آنی تہ ءَ سیکٹر ءِ دیمروئی ءُ سرمایہ کاری ءِ دیمروئی ءِ اتھارٹی ءِ جوڑ کنگ، نیشنل وارنٹی آفس ءِ جوڑ کنگ، زمین ءِ کارمردی ءِ نقشہ سازی، کان ءِ کشگ ءِ تہ ءَ نوکیں ٹیکنالوجی ءِ کارمردی، برانڈ پاکستان ءِ دیم ءَ آرگ، سینٹر آف ایکسیلنس ءِ جوڑ کنگ ھوار اَنت۔ دیوان ءَ پالی فریم ورک ءِ سر ءَ عمل درآمد ءِ ٹائم لائن ءِ ھوالگ ءَ ھم سرپد کنگ بوت۔