اسلام آباد، آزاد کشمیر ءُ گلگت بلتستان ءِ کینسر ءِ نادراہ آناں مفت ءَ دوائی پجارینگ بنت، راجی جان سلامتی ءِ وفاقی وزیر سید  مصطفی کمال

اسلام آباد۔9جنوری  (اے پی پی): راجی جان سلامتی ءِ وفاقی وزیر صادق مصطفیٰ کمال ءَ گشتگ کہ اسلام آباد، آزات کشمیر ءُ گلگت بلتستان ءِ کینسر ءِ نادراہ آناں مفت ءَ درمان پھجارینگ بیت۔ آئی ءَ اے ھیالانی درشانی پبلک پرائیویٹ پارٹنر شپ ءِ چیر دستی ءَ کینسر ءِ نادراھ آناں مفت ءَ دوائی پھجاری ءِ واستہ معاہدہ ءِ مراگش ءِ ساھت ءَ کت۔ آئی ءَ گوشت کہ پاکستان ءِ حکومت ءُ دوائی کمپنی ’’روش‘‘ ءِ یکجائی کمک ءَ اے درمان پجاری کنگ بنت، پنچ سالی منصوبگ ءَ چہ ھزاراں کینسر ءِ نادراہ سیت چست کن اَنت۔ پمز ہسپتال ءَ چہ اسلام آباد، آزات کشمیر ءُ گلگت بلتستان ءِ شہری آں علاج ءِ آسراتی پجاری کنگ بیت۔ آئی ءَ گوشت کہ اولی بھر ءَ پمس ہسپتال ءَ کینسر ءِ نادراھ آناں مفت ءَ دوائی پجارینگ بیت، ایشی ءِ تہ ءَ 70درسد ھرچ کمپنی ءِ سر ءَ بیت وھدیکہ باقی 30درسد پاکستان ءِ سرکار ءِ سر ءَ بیت۔ مہلوک ءَ را ارزانیں درمان ءِ آسراتی ءِ پھجارینگ مئے اولویت اِنت۔ آئی ءَ گوشت کہ اولی بھر ءَ نزیک ءَ 745 نادراہ کہ کینسر ءِ علاج ءِ واستہ پمز ہسپتال ءَ کاینت آھاں وتی علاج ءِ واستہ مفت ءَ دوائی پھجاری کنگ بیت۔ آئی ءَ گوشت کہ کینسر ءِ علاج ءِ واستہ تقریباً یک کروڑ کلدار ءِ دوائی مفت ءَ پجارینگ بیت۔ کینسر یک مہلکیں نادراہی یے کہ سرجمیں ھاندان ءَ ھلاس کتگ۔ دواسازی کمپنی “روش” پاکستان ءِ گور ءَ کینسر ءِ درمان ءِ 3 وڑیں درمان ھست انت۔ اے درماناں چہ چھاتی ءِ کینسر، پھیپھانی کینسر ءُ پروسٹیٹ کینسر ءِ علاج بوت کنت۔ آئی ءَ گوشت کہ یک لک کلدار پاکستان ءِ حکومت ءِ نیمگ ءَ چہ ءُ نزیک ءَ 9 لک کلدار کمپنی ءِ نیمگ ءَ چہ دیگ بیت۔ اے اولی بھر اِنت۔ اگاں لس مھلوک ءِ اعتماد بحال بوت گڈا گیشیں منصوبگ ھم بندات کنگ بنت۔ آئی ءَ گوشت کہ جاندراھی نگہداشت غربت ءَ چہ رکّینگ ءِ نام اِنت۔ مزن وزیر ءِ رہشونی ءُ دلگوشی ءَ گوں ما جان سلامتی ءِ شوبگ ءَ را گہتر کنگ ءَ آں ۔ اے منصوبہ چہ پمس ہسپتال ءَ بندات بیت۔