یک جوانیں ءُ شریں رمضان پیکج ءِ ھاتر ءَ سپارش تیار کنگ بہ بنت، کمکی  فنڈز آنی  ادائیگی ایوک ءَ ڈیجیٹل پرس ءِ وسیلگ ءَ کنگ بہ بیت، مزن وزیر شہباز شریف ءِ چار ءُ تپاسی دیوان ءَ را  پنت ءُ شون

اسلام آباد۔9جنوری  (اے پی پی): مزن وزیر محمد شہباز شریف ءَ نزور ءُ گریب آنی مالی کمک ءُ چاگردی سلامتی ءَ را حکومت ءِ اولی ترجی ءِ رد ءَ جار جنان ءَ گوشت کہ پیسر ءَ چہ گیش جوانیں ءُ جوانیں رمضان پیکج ءِ واستہ سپارش تیار کنگ بہ بنت ءُ امدادی فنڈز ءِ ڈیجیٹل پرس ءِ ادائیگی ایوک ءَ ڈیجیٹل پرس ءِ وسیلگ ءَ کنگ بہ بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ وفاقی حکومت ءِ پیش کرتگیں رمضان ءُ گوستگیں سال ءِ رمضان پیکج ءِ سیمی مردم ءِ بہر ءُ بانگ ءِ ھوالگ ءَ مزن وزیر محمد شہباز شریف ءِ سروکی ءَ چار ءُ تپاسی دیوان برجم دارگ بوتگ۔ مزن وزیر محمد شہباز شریف ءَ گوستگیں سال ءِ رمضان پیکج ءِ سرجمیں سیادی داروکیں ادارگ ءُ وزارت آنی ساپ ءُ سلہ ئی ءِ بابت ءَ معتبر آڈٹ آرگنائزیشن ءِ رپورٹ ءِ توسیپ کنان ءَ گوشت کہ گوستگیں سال ءَ چہ وفاقی حکومت ءَ گریبیں مردم آناں رمضان پیکج ءِ وسیلگ ءَ وردن ءُ وراک ءِ سامان آنی پھجارینگ ءِ واستہ یک شفافیں نظام ءِ جاہ ءَ ایر کتگ۔ حکومت ءَ مالی بے رھبندی، بدانتظامی ءُ گریب ءِ استحصال ءِ نظام ءِ بدل ءَ یوٹیلٹی اسٹور ءِ وسیلگ ءَ کہ ملک ءَ بازیں دہائیاں چہ برجاہ اِنت، یک شفافیں نظام ءِ بدل ءَ کتگ۔ مزن وزیر ءَ پنت ءُ شون کت کہ توامیں سیادی داروکیں ادارگ آیوکیں رمضان ءِ واستہ گوستگیں سال ءِ مقابلہ ءَ گیش کارآمد ءُ پائدگ مندیں پیکج ءُ سپارش جوڑ بہ کن انت۔ آئی ءَ گوشت کہ یوٹیلٹی اسٹور آنی تہ ءَ کرپشن ءِ سبب ءَ بزگر یں مردم وتی ھک آنی تہ ءَ چہ زبھر کنگ بوتگ اَنت، گریب آنی مالی کمک ءُ چاگردی گہبود ءُ اسپیت پوشیں مردم حکومت ءِ اولی ترجی آنی تہ ءَ ھوار اَنت۔ آئی ءَ پنت ءُ شون کت کہ رمضان پیکج ءِ چیر دستی ءَ تنگدستیں مردم آنی واستہ ریلیف فنڈز ءِ پجارینگ ڈیجیٹل والٹ ءِ وسیلگ ءَ کنگ بہ بیت تانکہ الس ءِ عزت ءُ شرپ ءَ را تاوان مہ رسیت۔ ڈیجیٹل پرس ءِ وسیلگ ءَ الس ءَ را امدادی فنڈز ءِ پجارینگ ھم متوازن معیشت ءِ ھاترا بنیاتی سنگ ثابت بیت۔ رمضان پیکج ءِ بہر ءُ بانگ ءِ تہا اسٹاٹا بینک ءِ ھوار کنگ ءَ چہ متوازن معیشت دیمروئی کنت۔ آئی ءَ پنت ءُ شون کت کہ درستیں سیادی داروکیں وزارت ءُ ادارگ اے گپ ءَ را دل یکیمی بہ کن اَنت کہ امدادی فنڈز ءِ تہ ءَ گریبیں مردم آنی دائرہ کار ءُ ھوار کنگ ءَ را گیش ءَ چہ گیش گیش کنگ بہ بیت ءُ گوستگیں سال ءِ مقابلہ ءَ رمضان پیکج ءِ جوانیں ءُ جوانیں ادائیگی ءِ واستہ عملی گامگیج آنی سر ءَ ھواریں یک جامع حکمت عملی ءُ سپارش پیش کنگ بہ بنت۔ جوانیں نگرانی ءِ واستہ ڈیجیٹل ڈیش بورڈ ءُ منظم نگرانی ءِ نظام جوڑ کنگ بہ بیت۔ گند ءُ نند ءِ ساھت ءَ مزن وزیر ءَ را بریفنگ دیگ بیت کہ گوستگیں سال ءَ رمضان پیکج ءِ سیمی مردم ءِ تصدیق ءَ یک جھان ءِ نامداریں ءُ معتبریں آڈٹ فرم ءَ سرکاری پیکج ءَ را کارآمد ءُ شفاف لیک اتگ۔ انکم سپورٹ پروگرام ءِ تہا سوشل پروٹیکشن والیٹ سسٹم ءِ سرا عمل کنگ بوھگ ءَ انت ایشی ءِ چیر دستی ءَ بزگر یں مردم آناں مفت سم بھر ءُ بانگ کنگ بوھگ ءَ انت ءُ مارچ 2026 ءَ چہ سرجمیں کمکی فنڈز ہمے سم ءِ وسیلگ ءَ ڈیجیٹل رنگ ءَ بھر ءُ بانگ کنگ بنت۔ مزن وزیر ءَ را گوستگیں سال ءَ رمضان پیکج ءِ تھرد پارٹی ویریفیکیشن ءِ ھوالگ ءَ سرپد کنگ بیت۔ دیوان ءَ را گوشگ بیت کہ گوستگیں سال ءَ رمضان ءِ پیکج ءَ ھچ وڑیں مالی بے رھبندی یا مزنیں انتظامی بے رھبندی ءُ کرپشن گندگ نہ بوتگ۔ مزن وزیر ءَ دہائیاں چہ یوٹیلیٹی اسٹور آنی تہ ءَ مالیاتی کرپشن ءُ بدانتظامی ءِ ھلاسی ءَ را وفاقی حکومت ءِ انقلابی گامگیج لیک اتگ۔ گند ءُ نند ءَ وفاقی وزیر خزانہ سینیٹر محمد اورنگزیب، وفاقی وزیر   اھوالکاری ءُ شنگ کاری  عطاء اللہ تارڑ،  وفاقی وزیر  گریبی ءِ ھلاسی  سید عمران احمد شاہ، وفاقی وزیر   راجی وردن ءُ وراک ءِ رکھینگ   رانا تنویر حسین ، وفاقی وزیر  انفارمیشن ٹیکنالوجی شزا فاطمہ خواجہ،  مزنک وزیر ءِ ھاسیں کمکار   ہارون اخترخان ،  چیئرمین نادرا   ءُ   چیئرمین پاکستان ٹیلی کمیونیکیشن اتھارٹی  ءُ ایندگر سیادی داروکیں ادارگ آنی کارندہ آں بھر زوری کت۔