وزیر داخلہ محسن نقوی ءَ دیوان ءِ سروکی کتگ، بنی آدم آنی شپوکی کنگ ءُ  پنڈوک آنی   ھلاپ ءَ کارروائی ءِ پرمان داتگ، بالی پٹ آنی سر ءَ اسکریننگ ءَ را گیش کنگ ءِ پرمان داتگ

اسلام آباد۔9جنوری  (اے پی پی):وفاقی تہی کارانی وزیر محسن نقوی ءَ ناجائزیں امیگریشن ءِ تہا ہواریں مردم ءُ شکیگیں پنڈوک آنی ھلاپ ءَ سکیں کارروائی ءِ پرمان داتگ ءُ گشتگ کہ انسانی سوداگری ءِ تہا ہواریں عناصر ہچ وڑیں رعایت ءِ بزگر  نہ انت ءُ پاکستان ءَ را ہچبر آہانی نام ءَ گرگ ءِ اجازت دیگ نہ بیت۔ وفاقی وزیر داخلہ محسن نقوی ءِ سروکی ءَ یک ھاسیں دیوان ءِ برجم دارگ بوت، ایشی ءِ تہ ءَ ایف آئی اے ءِ امیگریشن ونگ ءِ کارکردگی ءُ انسانی سوداگری ءِ گر ءُ دار ءِ ھاترا جاری مہم ءِ سر ءَ سرجمیں رنگ ءَ چار ءُ تپاسی کنگ بوت۔ گند ءُ نند ءَ وفاقی سیکرٹری داخلہ ڈی جی ایف آئی اے ءُ کراچی ءُ لاہور ءِ ڈائریکٹر ءُ دگہ مزنیں کارندہ آں بہر زرتگ۔ وزیر داخلہ ءَ گیر کانودی   امیگریشن ءَ ہواریں مافیا ءِ ھلاپ ءَ بے مٹ ءُ ترندیں کارروائی ءَ را برجاہ دارگ ءِ پرمان داتگ۔ آئی ءَ اے گپ پدر کت کہ بنی آدم آنی  شپوکی  ملک ءَ بدنام کنگ ءَ اَنت ءُ آھانی قانون ءِ چنگل ءَ آرگ ناگزیر اِنت۔ گند ءُ نند ءَ فقیر ءُ آہانی کمک کنوکیں گلانی ہلاپ ءَ جوانیں کارروائی ءِ بابت ءَ گپ ءُ تران کنگ بیت۔ محسن نقوی ءَ پنت ءُ شون کت کہ فقیرانی سرا سک باز کنٹرول کنگ بہ بیت۔ وزیر داخلہ ءَ ایف آئی اے ءَ را امیگریشن ءِ کانود آناں کارآمد جوڑ کنگ ءِ پنت ءُ شون کتگ۔ آئی ءَ گوشت کہ توامیں بالی پٹ آنی سر ءَ ٹریول دستاویز آنی سکیں سکیننگ کنگ بہ بیت ءُ امیگریشن ءِ نظام ءَ را گیش جدید ءُ جوانیں جوڑ کنگ بہ بیت۔ وزیر داخلہ ءَ جزم ءِ درشان کت کہ امیگریشن ءِ نظام ءَ ساپ ءُ سلہ ئی ءُ گہتری آرگ ءِ واستہ درستیں المی ئیں گامگیج کنگ بنت تانکہ ناجائزیں کاروائی آناں سرجمی ءَ گر ءُ دار کنگ بہ بیت۔