اسلام آباد۔8جنوری (اے پی پی):نیول اسٹاف ءِ سروک ایڈمرل نوید اشرف ءَ نیول ہیڈ کوارٹر ءَ بنگلہ دیش ءِ فضائیہ ءِ سروک ایئر چیف مارشل حسن محمود خان ءَ گوں گند ءُ نند کت۔ پاک بحریہ ءِ جارکش ءِ رد ءَ پاک بحریہ ءِ سروک ءَ شرپداریں مہمان ءَ را نیول ہیڈ کوارٹر ءَ سر بوھگ ءَ گوں آئی ءَ را وش اتک کت۔ گند ءُ نند ءِ ساھت ءَ …
نیول اسٹاف ءِ سروک ایڈمرل نوید اشرف ءَ بنگلہ دیش ایئر فورس ءِ چیف آف ایئر سٹاف ءَ گوں گند ءُ نند
گیشتریں ھال
اسلام آباد۔8جنوری (اے پی پی):نیول اسٹاف ءِ سروک ایڈمرل نوید اشرف ءَ نیول ہیڈ کوارٹر ءَ بنگلہ دیش ءِ فضائیہ ءِ سروک ایئر چیف مارشل حسن محمود خان ءَ گوں گند ءُ نند کت۔ پاک بحریہ ءِ جارکش ءِ رد ءَ پاک بحریہ ءِ سروک ءَ شرپداریں مہمان ءَ را نیول ہیڈ کوارٹر ءَ سر بوھگ ءَ گوں آئی ءَ را وش اتک کت۔ گند ءُ نند ءِ ساھت ءَ وت مہ وتی اسٹریٹجک مفاد ءِ جیڈھ، دمگ ءِ بدل بوھوکیں سیکورٹی جاور ءُ دو نیمگی دیمپانی کمک ءَ را گیش مھکم کنگ ءِ واستہ گامگیج آنی سر ءَ ھیال ریچی کنگ بوت۔ نیول چیف ءَ جتا جتائیں گامگیج آنی وسیلگ ءَ پڑ ءَ دریائی ایمنی ءُ برجائی ءِ واستہ پاک بحریہ ءِ کوشست آنی سر ءَ زور پر دات۔ ائیر چیف مارشل حسن محمود خان ءَ پاک بحریہ ءِ مزنیں اسٹریٹجک معیار ءِ توسیپ کت ءُ دوئیں براتیں ملک آنی سلاہ بندیں اُرد آنی نیام ءَ کمک ءِ تہ ءَ گیشی ءِ واھشت ءِ درشان کت۔ دوئیں رہشون آنی تہ ءَ وت مہ وتی ھمگرنچی ءَ را گیش کنگ ءِ واستہ مزن تک ءِ ڈل ءِ تبادلہ ءُ یکجائی تربیت ءِ مشق آنی ارزشت ءِ سر ءَ تپاک کنگ بوت۔ بنگلہ دیش ءِ ایئر چیف مارشل ءِ اے تر ءُ تاب پاکستان ءُ بنگلہ دیش ءِ نیام ءَ گیش بوھوکیں دیمپانی سیادی ءِ رد ءَ انت۔ ایشی ءَ چہ پیسر ایڈمرل نوید اشرف ءَ 2025 ءِ گڈ ءَ بنگلہ دیش ءِ ارزشتی ایں تر ءُ تاب کتگ ۔
