وزارت آنی کارکردگی رپورٹ ءِ مول ءُ مراد وت کیاسگری ءِ نظام ءَ را مھکم کنگ ءُ وزیر آناں وتی ذمہ واری آنی پابند کنگ اِنت، پارلیمانی کارانی وفاقی وزیر ڈاکٹر طارق فضل چوہدری ءِ پریس کانفرنس

اسلام آباد۔8جنوری  (اے پی پی): وفاقی وزیر برائے پارلیمانی امور ڈاکٹر طارق فضل چوہدری ءَ گوشت کہ حکومت توامیں وزارت آنی کارکردگی ءِ وسیلگ ءَ گورننس ماڈل ءَ را گہتر کنگ لوٹ ایت۔ وزارت پارلیمانی امور ءِ یک سالی کارکردگی ءِ رپوٹ مزن وزیر محمد شہباز شریف ءَ را دیم دیگ بیت۔ وزارت آنی کارکردگی رپورٹ ءِ مول ءُ مراد وت مہ وتی احتساب ءِ نظام ءَ را مھکم کنگ ءُ وزیر آناں وتی ذمہ واری آنی پابند کنگ اِنت۔ وزارت پارلیمانی امور ءِ کرد ایوک ءَ شکایت ءُ جیڈھ آنی گیواری ءَ گوں بندوک نہ اِنت بلکیں آ لس ءُ لس نمائندگی ءِ موثر وسیلگ ھم دیم ءَ کاریت۔ حکومت ہر وڑیں گپ ءُ تران ءِ ھاترا پچ اِنت، چیا کہ ھرچ جیڑھ ءِ دائمی گیواری ایوک ءَ گپ ءُ تران ءُ گپ ءُ تران ءِ وسیلگ ءَ ممکن اِنت۔ پنچ شمبے ءِ روچ ءَ پریس کانفرنس ءَ گوں گشتانک دیان ءَ آئی ءَ گوشت کہ مزن وزیر شہباز شریف ءِ ہدایت ءِ رد ءَ جنوری ءَ تاں دسمبر 2025 ءِ رپوٹ شنگ کنگ بیت ایشی ءَ را میڈیا ءِ وسیلگ ءَ ھم الس ءِ تہ ءَ شنگ کنگ بیت۔ مئے مول ءُ مراد ایش انت کہ حکومت وزارت آنی کارکردگی ءِ وسیلگ ءَ گورننس ماڈل ءَ را گیش ءَ چہ گیش گہتر کنگ لوٹ ایت۔ آئی ءَ گوشت کہ سرمایہ کاری، بجلی ءِ شوبگ، میری ٹائم امور، کان ءُ معدنیات، درئی کار ءُ موسمی مٹ ءُ بدلی ءِ رد ءَ ملک ءِ دیم ءَ اوشتاتگیں چیلنج آنی گوما گر ءُ چیل بوھگ ءِ کارکردگی جوانیں رنگ ءَ گندگ ءَ انت۔ اے سک باز المی انت کہ حکومت چے کنگ ءَ انت ایشانی بابت ءَ راج ءَ را سرپد کنگ بہ بیت۔ آئی ءَ گوشت کہ توامیں وزیر آناں مزن وزیر ءِ نیمگ ءَ پابند کنگ بوتگ کہ آ یک سال ءِ تہ ءَ وتی وزارت آنی نیمگ ءَ ایر کتگیں ٹارگٹ آنی بابت ءَ راج ءَ را سرپد بہ کن اَنت۔ آئی ءَ گوشت کہ وزارت پارلیمانی امور ءِ کرد ایوک ءَ شکایت ءُ جیڈھ آنی گیواری ءَ گوں بندوک نہ اِنت بلکینگ ءَ الس ءُ الس ءِ نمائندگی ءِ موثر وسیلگ ھم پجاری کنت، ایشی ءَ چہ ملک ءَ جمہوری عمل، سیاسی برجائی ءُ شفافیت ءِ دیمروئی بیت۔ آئی ءَ گوشت کہ جتا جتائیں وزارت آنی تہ ءَ مزنیں گہتری ءُ دیمروئی گندگ بوھگ ءَ انت ملکی معیشت گہتری ءِ نیمگ ءَ روگ ءَ انت۔ آئی ءَ گوشت کہ دسمبر 2025 ءَ تاں وزارت آنی سرجمیں کارکردگی رپوٹ مزن وزیر ءَ را پیش کنگ بیت ایشی ءِ تفصیل میڈیا ءِ وسیلگ ءَ الس ءِ دیم ءَ ھم ایر کنگ بیت۔ آئی ءَ گوشت کہ اے رپوٹ ءِ مول ءُ مراد وزارت آنی تہ ءَ وت مہ وتی احتساب ءِ نظام ءَ را مھکم کنگ ءُ وزیر آناں وتی زمہ واری آنی احتساب کنگ اِنت، وھدیکہ ملک ءَ سرمایہ کاری ءُ دیمروئی ءِ ھاسیں نشانی دیم ءَ آیگ ءَ اَنت۔ ملک ءِ سیاسی جاور ھال آنی بابت ءَ آئی ءَ گوشت کہ مزن وزیر شہباز شریف ءَ پیسر ءَ ھم گپ ءُ تران آنی کمک کتگ ءُ حکومت انگت ءَ ھمک رنگ ءِ گپ ءُ تران آنی واستہ پچ انت، کجام ھم جیڈھ ءِ دائمی گیواری ایوک ءَ گپ ءُ تران ءُ گپ ءُ تران ءَ چہ ممکن انت۔ آئی ءَ گوشت کہ وزارت پارلیمانی امور ءَ اتحادی گل آنی گوما مھکم ءُ جوانیں رابطہ جوڑ کتگ، وھدیکہ اتحادی گل آنی پنت ءُ شون ءُ جیڈھ آناں مزن وزیر ءَ را براہ راست سر کنگ بیت۔ آئی ءَ گوشت کہ مزن وزیر ءَ بازیں رند ءَ سیاسی جیڈھ آنی گیواری ءِ واستہ مذاکرات ءَ را ناگزیر گوشتگ۔ وفاقی وزیر ءَ گوشت کہ مذاکرات ءَ را نظام ءِ یک جتائیں بہر ءُ راجی جیڈھ آنی گیواری ءِ وسیلگ لیکگ بیت، ایشی ءِ واستہ کمیونٹیز ءَ را ھاسیں مینڈیٹ دیگ بیت تانکہ آ الس ءُ جتا جتائیں سیاسی گل آناں جوانیں رنگ ءَ نمائندگی بہ کن اَنت۔ آئی ءَ اے گپ ءِ پدرائی کت کہ حکومت ءَ گپ ءُ تران ءِ نیمگ ءَ پچیں ءُ جوانیں پالیشی زرتگ تانکہ اختلاف ءُ جیڈھ گپ ءُ تران ءِ وسیلگ ءَ گیش ءُ گیوار کنگ بہ بنت۔