معاون مزن وزیر محمد اسحاق ڈار ءَ اے ہفتگ ءَ سعودی ءِ دری کارانی وزیر ءِ گوما دو ٹیلی فون ءِ سرا گپ ءُ تران کتگ، دری کارانی کارگس ءِ جارکش

اسلام آباد۔8جنوری  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ اے ہفتگ ءَ سعودی ءِ دری کارانی وزیر شہزادہ فیصل بن فرحان ءَ گوں دو ٹیلی فون ءِ سرا گپ ءُ تران کتگ ءُ یمن ءِ بابت ءَ سعودی ءِ دری کارانی وزارت ءِ بیان ءَ را وش اتک کتگ ءُ دمگ ءِ جاور ھال آنی گیواری ءِ ھاتر ءَ درستیں فریق آنی کوشست آنی توسیپ کتگ۔ پنچ شمبے ءِ روچ ءَ دری کارانی کارگس ءِ جارکش طاہر حسین آندرابی ءَ ھپتگی پریس بریفنگ ءِ تہ ءَ گوشت کہ نائب مزن وزیر ءَ اے گپ ءِ سر ءَ زور پر دات کہ دمگ ءِ توامیں سیادی داروکیں گل ھرچ وڑیں کشاں چیلی  کارروائی ءَ چہ دست بہ جن اَنت ءُ دمگی امن ءُ ایمنی ءِ واستہ گپ ءُ تران ءُ سفارتکاری ءِ وسیلگ ءَ جیڈھ گیواری کنگ بہ بنت۔ جارکش ءَ گوشت کہ نائب مزن وزیر محمد اسحاق ڈار ءَ گوں امارات ءِ نائب مزن وزیر ءُ دری کارانی وزیر شیخ عبداللہ بن زاید النہیان ءَ ھم گپ ءُ تران کتگ۔ نائب مزن وزیر ءَ استیں دمگی جاور ھال آنی سر ءَ تران کنان ءَ دمگ ءِ تہ جوانیں دیمروئی ءُ گہتری ءِ دلگوشی ءِ سر ءَ دل یکیمی ءِ درشان کت۔ آئی ءَ اے گپ ءِ ستا کرتگ کہ گپ ءُ تران ءُ سفارتکاری ءَ چہ ٹھوس آسراتی رسگ ءَ انت۔ درئی کارانی کارگس ءِ جارکش ءَ گوشت کہ ترکی ءِ دری کارانی وزیر ھاکان فدان ءَ گوں گپ ءُ تران ءِ تہ ءَ نائب مزن وزیر ءَ دمگی جاور آنی تہ ءَ بدل بوھوکیں جاور ھال آنی سر ءَ تران کت ءُ تجارت، ٹیکنالوجی، سیل ءُ سواد ءُ انفارمیشن ٹیکنالوجی ءَ ھوار وت مہ وتی مفاد ءِ توامیں پڑ آنی تہ ءَ دو نیمگی کمک ءَ را گیش دیمروئی دیگ ءِ راہ آنی سر ءَ ھیال ءُ لیکہ کت۔