نائب مزن وزیر محمد اسحاق ڈار ءَ بنگلہ دیش، انڈونیشیا، ملائیشیا، مصر ءُ میانمار ءِ دری کارانی وزیر آنی گوما ٹیلی فون ءِ سر ءَ گپ ءُ تران کنان ءَ دو نیمگی سیادی ءُ دمگی جاور ھال آنی سر ءَ گپ ءُ تران، ترجمان درائی کارانی کارگس

اسلام آباد۔8جنوری  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ بنگلہ دیش، انڈونیشیا، ملائیشیا، مصر ءُ میانمار ءِ دری کارانی وزیر آنی گوما گوستگیں ٹیلی فون ءِ سر ءَ گپ ءُ تران ءِ ساھت ءَ دو نیمگی سیادی ءُ ایشیا ءُ میاں اوستمانی تک ءِ جاور ھال آنی سر ءَ گپ ءُ تران کت۔ اے گپ درئی کارانی کارگس ءِ جارکش طاہرحسین آندرابی ءَ پنچ شمبے ءِ روچ ءَ ھپتگی پریس بریفنگ ءِ تہ ءَ گوشت۔ آئی ءَ گوشت کہ نائب مزن وزیر محمد اسحاق ڈار ءَ بنگلہ دیش ءِ دری کارانی مشیر توحید حسین ءَ گوں ٹیلی فون ءِ سر ءَ گپ ءُ تران کنان ءَ ایشیا ءُ میاں اوستمانی تک ءَ دو نیمگی سیادی ءُ نوکیں دیمروئی آنی سر ءَ چار ءُ تپاسی کت۔ ترجمان ءَ گوشت کہ ملائیشیا ءِ درئی کارانی وزیر محمد بن حاجی حسن ءَ گوں جتاھیں گپ ءُ تران ءِ تہ ءَ نائب مزن وزیر ءَ دو نیمگی سیادی آنی استیں جاور ھال آنی سر ءَ چار ءُ تپاسی کت ءُ ایشیا ءُ میاں اوستمانی دمگی جاور آنی تہ ءَ بدل بوھوکیں دمگی جاور آنی سر ءَ گپ ءُ تران کت۔ دوئیں نیمگ ءَ مدام شور ءُ سلاھ ءِ سر ءَ زور پر دات ءُ ھمک پڑ ءَ نزیکیں رابطہ ءِ تہ ءَ برجم دارگ ءِ سر ءَ تپاک کت۔ آئی ءَ گوشت کہ 6 جنوری ءَ نائب مزن وزیر ءَ میانمار ءِ دری کارانی وزیر یو تھانٹ سوے ءَ گوں ٹیلی فون ءِ وسیلگ ءَ گپ ءُ تران کتگ ءُ دو نیمگی سیادی آنی استیں تک ءِ سر ءَ چار ءُ تپاسی کتگ۔ آئی ءَ گوشت کہ انڈونیشیا ءِ دری کارانی وزیر سوگیو ءَ گوں گپ ءُ تران ءَ نائب مزن وزیر ءَ پاکستان ءُ انڈونیشیا ءِ سیادی، سومالیہ ءَ دیمروئی ءُ غزہ ءَ دائمی امن ءِ واستہ برجاھیں کوشست آنی سر ءَ ھیال ریچی کت ءُ اے جیڈھ آنی سر ءَ نزیکیں رابطہ ءِ سر ءَ تپاک کت۔ ترجمان ءَ گوشت کہ مصر ءِ دری کارانی وزیر بدر احمد محمد عبدالعتی ءَ گوں گپ ءُ تران ءِ تہ ءَ نائب مزن وزیر ءَ استیں دمگی جاور ھال آنی سر ءَ چار ءُ تپاسی کت ءُ وت مہ وتی مفاد ءِ توامیں پڑ آنی تہ ءَ دو نیمگی کمک ءَ را گیش دیمروئی دیگ ءُ دوئیں ملک آنی مفاد آنی واستہ ھوار بوھگ ءِ برجاہ دارگ ءِ جزم ءِ درشان کتگ۔