پی آئی اے ءَ لاہور ءَ چہ لندن ءَ بالی آپریشن بندات کنگ ءِ جار

اسلام آباد۔8جنوری  (اے پی پی): پاکستان انٹرنیشنل ایئر لائنز ءَ ششسال ءِ دراجیں وھد ءِ پد ءَ لاہور ءَ چہ لندن ءَ براہ راست بالی آپریشن بندات کنگ ءِ جار جتگ۔ پی آئی اے ءِ جارکش ءِ رد ءَ اولی بالی گراب پی کے 757 لاہور ءَ چہ لندن ءَ 30مارچ ءَ رھادگ بیت ، جارکش ءَ گوشت کہ لاہور ءَ چہ لندن ءَ دراھیں بالی گراب برطانیہ ءِ ہیتھرو  بالی پٹ ءِ ٹرمینل 4 ءَ ایر کپ ائیت۔ لندن پی آئی اے ءِ نیٹ ورک ءِ بنداتی میاں اوستمانی راہانی تہا ہوار بوتگ ءُ اے راہ ءِ زندگ کنگ ءَ را مزنیں دیمروئی ءِ نام دیگ بوہگ ءَ انت۔ لاہور ءَ چہ لندن ءَ بالی گراب آنی بندات ءَ پد پی آئی اے ءِ برطانیہ ءَ ھپتگی بالی گراب آنی کلیں کساس 7 ءَ سر بیت وھدیکہ پابندی ءَ چہ پیسر پی آئی اے پاکستان ءَ چہ لندن ءَ ھپتگی دہ بالی گراب کنگ ءَ ات۔ جارکش ءِ رد ءَ کم کم ءَ لندن ءِ بالی گراب آنی تہ ءَ گیشی کنگ بیت ۔ پی آئی اے ءِ جارکش ءَ گیش گوشت کہ نیشنل ایئر لائن ءَ پیسر ءَ چہ اسلام آباد ءَ چہ لندن ءَ سئے ھپتگی بالی گراب آنی بندات کنگ ءِ جار جتگ کہ 29مارچ ءَ چہ بندات بیت۔