فیلڈ مارشل سید عاصم منیر لاہور گیریژن  ءِ تر ءُ تاب  ، آئی ءَ را آپریشنل تیاری، ھیل کاری ءِ کد ءُ بالاد  ءُ     جنگی ازمکاری  آنی تہ ءَ  ارزشتی ایں گامگیج آنی بابت ءَ زانت ءُ سرپدی دیگ بوت

راولپنڈی۔8جنوری  (اے پی پی): چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر، نیشان امتیاز (ملٹری) ہلال جرات ءَ لاہور گیریژنءِ تر ءُ تاب کتگ اودا آئی ءَ را آپریشنل تیاری، ھیل کاری ءِ کد ءُ بالاد ءُ جنگی ازمکاری آنی تہ ءَ ارزشی ایں گامگیج آنی بابت ءَ زانت ءُ سرپدی دیگ بوت۔  انٹر سروسز پبلک ریلیشنز ءِ رد ءَ آرمی اسٹاف ءِ سروک ءُ دیمپانی فورسز ءِ سروک ءَ اے موہ ءِ سر ءَ ھاسیں میدانی ھیل کاریفیلڈ ٹریننگ ایکسرسائز آنی چار ءُ تپاسی کت  نوکیں ٹیکنالوجی آنی ھم چار ءُ تپاسی گپت۔ اے مشق پاک فوج ءِ آیوکیں وھد ءِ متحرکیں جنگی میدان ءَ گوں وتی رد ءَ ردوم دیگ ءِ ھاترا نوکیں ءُ ردوم ءِ حکمت عملی ءِ عکس بوتگ۔ آئی ءَ فوجی کارندہ آنی واستہ داتگیں اسپورٹس ءُ تفریحی آسراتی آنی ھم چار ءُ تپاسی کت ءُ جسمانی فٹنس، حوصلہ ءُ سرجمیں وشھالی ءِ واستہ آھانی ارزشت ءِ سر ءَ چمشانک دات۔ چیف آف آرمی اسٹاف ءُ چیف آف ڈیفنس فورسز ءَ سی ایم ایچ لاہور ءَ ہائی کیئر سینٹر ءِ ھم تر ءُ تاب کت ءُ نوکیں آسراتی آں گوں لیس اے کوالٹی میڈیکل سنٹر ءِ جوڑ کنگ ءِ واستہ میڈیکل اسٹاف ءُ انتظامیہ ءِ کوشست آناں ساڑات۔ افسراں گوں تران کنان ءَ چیف آف آرمی اسٹاف ءُ چیف آف ڈیفنس فورسز ءَ راجی سلامتی ءِ ھاترا ھرچ وڑیں ھترہ ءِ ھلاپ ءَ پاک فوج ءِ صفر برداشت ءِ پالیشی ءِ سر ءَ زور پر دات ءُ اے جزم ءِ سر ءَ زور پر دات کہ ادارگ پیشہ وارانہ ، یکوئی ءُ جزم ءِ گوما ہر رنگیں چیلنج آنی دیم ءَ کپ ایت۔ پاک فوج ءِ بُنکی مشن ءِ یک رندے پدا گوشت کہ پاکستان ءِ سلاہ بندیں اُرد ملک ءِ وت واجہی، سرزمین ءِ یکوئی ءُ اندری برجائی ءِ رکھینگ ءِ واستہ جزمیگ اَنت، وھدیکہ مزنیں معیار، نظم و ضبط ءُ بے وسیں راجی ھزمت ءِ دود ءُ ربیدگ ءَ را ھم دیمروئی دیگ ءِ واستہ جزمیگ اَنت۔ ایشی ءَ چہ پیسر لاہور گیریژن ءَ سر بوھگ ءَ پد کور کمانڈر لاہور ءَ آرمی اسٹاف ءِ سروک ءُ دیمپانی اُرد ءِ سروک ءَ را وش اتک کت۔