وفاقی داخلہ ءِ وزیر محسن نقوی ءَ بیجنگ پبلک سیکورٹی پاسپورٹ بیورو ءِ تر ءُ تاب کتگ ءُ چینی امیگریشن ءِ نظام ءِ چار ءُ تپاسی

بیجنگ۔8جنوری  (اے پی پی): وفاقی وزیر داخلہ محسن نقوی ءَ بیجنگ پبلک سیکورٹی ءِ پاسپورٹ بیورو ءُ ایگزٹ انٹری ایڈمنسٹریشن بیورو ءِ تر ءُ تاب کتگ۔ بیورو ءَ سر بوھگ ءَ پد ڈائریکٹر جنرل سن یو ءَ وزیر داخلہ ءَ را گرمیں رنگ ءَ وش آتک کت۔ آئی ءِ گوما وفاقی سیکرٹری داخلہ خرم آغا، ڈی جی نیشنل پولیس اکیڈمی، آئی جی   ءُ  چیف کمشنر اسلام آباد  ھم بوتگ اَنت۔ وزیر داخلہ ءَ بیورو ءِ جتا جتائیں بہر آنی چار ءُ تپاسی کت ءُ چین ءِ نوکیں پاسپورٹ جوڑ کنگ ءُ امیگریشن ءِ نظام ءِ سر ءَ سرجمیں چمشانک دات۔ بریفنگ ءِ تہا گوشت کہ چین ءَ پاسپورٹ ءُ امیگریشن ءِ عمل ’’ون ونڈو‘‘ ءِ آسراتی ءِ چیر دستی ءَ سک تیز انت۔ آن لائن درخواست ءِ پد ءَ شہری آناں پاسپورٹ تھنا 24 کلاک ءِ تہ ءَ دیگ بیت۔ لس مھلوک ءِ آسراتی ءِ واستہ بیورو 7 روچ ءُ 24 کلاک ءَ سرگرم اِنت ءُ ڈیجیٹل ٹریکنگ ءُ ریئل ٹائم اپ ڈیٹ ءِ وسیلگ ءَ درخواست دیوکاں ہر پڑ ءِ بابت ءَ وھد ءِ سر ءَ سرپدی رس اِیت وھدے کہ کثیر زبانی نظام ءَ دستاویزات ءِ پیچیدہ عمل ءَ را درملکی مردمانی واستہ آسان ءُ شفاف کتگ۔ تہی کارانی وزیر محسن نقوی ءَ چینی انٹری ایگزٹ سسٹم ءِ کارکردگی ءُ ترندی ءَ را ساڑاتگ ءَ گوشت کہ پاکستان ءَ پاسپورٹ ءُ امیگریشن سسٹم ءَ را ھم نوکیں، ترند ءُ فول پروف جوڑ کنگ بوھگ ءَ انت۔ آئی ءَ گوشت کہ جعلی ءِ ھلاسی ءِ واستہ پاکستانی پاسپورٹ آنی تہ ءَ نوکیں سیکورٹی آسراتی ایر کنگ بنت ۔ پاکستان ءِ انٹری ایگزٹ کنٹرول سسٹم ھم بیجنگ ماڈل ءِ سر ءَ نوکیں لیکہانی سر ءَ بندوک اِنت۔ اے تر ءُ تاب ءَ وفاقی داخلہ سیکرٹری داخلہ خرم آغا، ڈی جی نیشنل پولیس اکیڈمی محمد ادریس، ڈی جی نیشنل سائبر کرائمز انویسٹی گیشن ایجنسی سید خرم علی، آئی جی اسلام آباد پولیس علی ناصر رضوی  ءُ  چیف کمشنر اسلام آباد محمد علی رندھاوا  ءَ ھم بھر زوری کت۔  آواں چینی کارندہ آنی تکنیکی کمک آنی ھوالگ ءَ ھیال ریچی کت۔