وزیر خزانہ سینیٹر محمد اورنگزیب ءَ ویزا ڈل ءَ گوں گند ءُ نند کتگ، جدت، مالیاتی استحکام ءُ ریگولیٹری نگرانی ءِ نیام ءَ توازن برجائی ءِ کوشست کتگ

اسلام آباد۔8جنوری  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان مالیاتی شمولیت ءُ نوکیں مالیاتی آلات ءُ ٹیکنالوجی ءِ تہ ءَ بوتگیں پیشرفت ءِ سر ءَ نزیکی ءَ گوں چار ءُ بچار کنگ ءَ انت، جدت، مالیاتی استحکام ءُ ریگولیٹری نگرانی ءِ نیام ءَ توازن ءِ برجائی ءِ کوشست کنگ ءَ انت۔ آئی ءَ اے گپ پنچ شمبے ءِ روچ ءَ گلوبل پیمنٹ نیٹ ورک ویزا ءِ ڈل ءَ گوں گند ءُ نند ءِ ساھت ءَ کت۔ ڈل ءِ سروکی ءَ ویزا ءِ میان اُستمانی یورپ، مشرقی ایشیا ءُ افریقہ ءِ دمگی صدر طارق محمود ءَ کتگ۔ وزیر خزانہ ءَ ڈل ءَ را وش اتک کت ءُ پاکستان ءِ مالیاتی شوبگ ءِ گوما ویزا ءِ برجاھیں سیادی ءُ کمک ءَ را ساڑات۔ گند ءُ نند ءَ پاکستان ءِ گہتری ءِ اقتصادی اشارہ، برجاھیں اقتصادی استحکام ءِ کوشست ءُ پائیدار ءُ ھواریں اقتصادی دیمروئی ءِ ھاترا حکومت ءِ اولیت آنی سر ءَ تران کنگ بوت۔ سینیٹر محمد اورنگزیب ءَ ڈل ءَ را بین الاقوامی مالیاتی فنڈ ءِ کمک ءَ جاری پروگرام ءِ چیر دستی ءَ بوتگیں پیشرفت ، بین الاقوامی کریڈٹ ریٹنگ ایجنسی آنی نیمگ ءَ چہ رستگیں درائیں توثیق ءُ حکومت ءِ اصلاحات ءِ ایجنڈا ءِ بابت ءَ سرپدی دات ءُ گوشت کہ اے ایجنڈا ءَ ٹیکس ءُ توانائی ءِ شوبگ آنی تہ ءَ اصلاحات، سرکاری کاروبار ءِ تہ ءَ نوکیں رنگ ءُ دروشم ءِ دیمروئی ءُ گہتری ءِ بابت ءَ ھوار انت۔ انتظامیہ، ءُ نجکاری ءِ سرا کار کنگ ءَ انت۔ نجکاری ءِ کار ءَ را ترند کنگ ءِ واستہ گامگیج زورگ بوھگ ءَ انت۔ دوئیں نیمگاں پاکستان ءَ ڈیجیٹل ٹرانسفارمیشن ءِ عمل ءَ را ترند کنگ ءِ ھوالگ ءَ سرجمیں گپ ءُ تران بوتگ، ایشی ءِ تہ ءَ ڈیجیٹل انفراسٹرکچر، ادائیگی ءِ نظام، ءُ سرکاری ادائیگی ءِ ڈیجیٹلائزیشن ءِ سر ءَ ھاسیں دلگوشی دیگ بوتگ۔ وزیر خزانہ ءَ زور پر دات کہ ڈیجیٹلائزیشن ءِ سر ءَ ھاسیں دلگوشی دیگ بوھگ ءَ اِنت ءُ مزن وزیر وت ایشی ءِ تہ ءَ دلچسپی زورگ ءَ اِنت تانکہ حکومت ءِ توامیں شوبگ آنی تہ ءَ یکجاھیں ءُ یکجاھیں عملدرآمد ءَ را دل یکیمی کنگ بہ بیت۔ آئی ءَ پاکستان ڈیجیٹل اتھارٹی ءِ جوڑیشت، اسٹیٹ بینک آف پاکستان ءِ چیر دستی ءَ ادائیگی ءِ نظام ءِ تہ ءَ اصلاحات ءُ شفافیت، کارکردگی ءُ سرکاری آسراتی ءِ پجاری ءَ را گہتر کنگ ءِ واستہ سرکاری رسید ءُ ھرچ ءُ درچ ءَ را ڈیجیٹل کنگ ءِ کوشست آنی سر ءَ چمشانک دات۔ ویزا ڈل ءَ پاکستان ءِ بینک، فن ٹیک ادارگ ءُ ایندگر سیادی داروکیں اسٹیک ہولڈر آنی گوما وتی رابطہ آنی بابت ءَ سرپدی دات ءُ گوشت کہ اقتصادی استحکام ءَ چہ ڈیجیٹل ادائیگی، مالیاتی شمولیت ءُ جدت ءِ دیمروئی ءِ تہ ءَ اعتماد ءُ دلچسپی گیش بوتگ۔ گپ ءُ تران ءِ تہ ءَ نقد ءِ کارمردی ءَ را کم کنگ، دھاندلی ءِ گر ءُ دار، کسانیں ءُ نینو کاروبار آنی کمک، کیو آر ءُ نل ٹو فون ءِ حل ءُ ادائیگی ءِ منگ ءِ بنیاتی ڈھانچہ ءِ دیمروئی ءِ سر ءَ ھم گپ ءُ تران کنگ بوت، ھاسیں رنگ ءَ ٹائر دومی ءُ ٹائر سوم ءِ شھر آنی تہ ءَ۔ ڈل ءَ اے گپ ءِ سر ءَ ھم زور پر دات کہ جتا جتائیں ادائیگی ءِ رھبند آنی نیام ءَ گچین کاری ءُ مقابلہ ءِ برجاہ دارگ نوآبادیاتی ءِ واستہ المی اِنت۔ گند ءُ نند ءَ نوکیں شوبگ آنی سر ءَ ھم تران کنگ بوت، ایشی ءِ تہ ءَ زرّ ءِ دیم دیگ، ای کامرس، درملک ءَ پاکستانی آنی سیل ءُ سواد ءِ ھرچ ءُ درچ ءُ یک ریگولیٹڈ فریم ورک ءِ تہ ءَ بلاکچین ءُ ڈیجیٹل اثاثہ آنی وڑیں نوکیں ٹیکنالوجی آنی ممکنہ کارمردی ءِ سر ءَ ھم گپ ءُ تران کنگ بوت۔ وزیر خزانہ ءَ گوشت کہ پاکستان اے دیمروئی آنی سر ءَ نزیکی ءَ گوں چار ءُ تپاسی کنگ ءَ اِنت ءُ جدت، مالیاتی استحکام ءُ ریگولیٹری نگرانی ءِ نیام ءَ توازن ءِ ھاترا کوشست کنگ ءَ اِنت۔ آئی ءَ سرکاری قرضہ، حوالہ جات، ءُ سرکاری ادائیگی ءِ ھواریں ممکنہ استعمال ءِ جتا جتائیں تک ءُ پہناتانی سرا وتی ھیال ءُ لیکہ ھم شیئر کتگ انت۔ فریقین ءَ سرکاری ادائیگی ءِ ڈیجیٹلائزیشن ءُ مالی شمولیت ءِ گامگیج آنی سر ءَ تکنیکی کمک ءُ زانت ءِ تبادلہ ءَ ھوار برجاھیں شریکداری ءِ وتی عزم ءِ پدا پدر کت۔ دیوان ءِ گڈ ءَ اے گپ ءِ سر ءَ تپاک کنگ بوت کہ پاکستان ءِ ڈیجیٹل ادائیگی ءِ نظام، گیشیں اقتصادی اصلاحات ءُ دیمروئی ءِ ایجنڈا ءِ کمک ءِ واستہ ویزا، وزارت ءِ ھزانگ ءُ سیادی داروکیں ریگولیٹری ادارگ آنی نیام ءَ نزیکیں  ھمگرنچی ءُ  برجائی کنگ بیت۔ ویزا ءِ تر ءُ تاب ءِ ڈل ءِ تہ ءَ سینئر وائس پریذیڈنٹ  لیلا سرہان، سینئر نائب صدر حکومتی  کار  جوآن کوبا ،ویزا پاکستان  ءِ  کنٹری منیجر عمر خان اور ویزا گورنمنٹ سیلز ءِ نعمان مجید  ھوار اتنت۔