مزن وزیر یوتھ لیپ ٹاپ اسکیم ءِ مول ءُ مراد نودربر آناں نوکیں وانگ ءُ زانگ ءِ وسیلگ آنی پجاری کنگ اِنت، وفاقی وزیر ڈاکٹر مصدق ملک

اسلام آباد۔8جنوری  (اے پی پی): موسمیاتی بدلی ءُ چاگردی یکوئی ءِ وفاقی وزیر ڈاکٹر مصدق ملک ءَ ورنا آنی تہ ءَ زانت ءِ سر ءَ بنیات ءِ سر ءَ معیشت ءِ جوڑ کنگ ءِ سر ءَ زور پر دیان ءَ گوشت کہ مزن وزیر ورنا لیپ ٹاپ اسکیم ءِ مول ءُ مراد نودربر آناں نوکیں وانگ ءُ زانگ ءِ وسیلگ آنی پجاری کنگ اِنت۔ تعلیم و ٹیکنالوجی ملک ءِ دیمروی ءِ بنیاد انت۔ دیمروئی ءِ ھاتر ءَ نوکیں ٹیکنالوجی ءِ زورگ ءَ ابید ممکن نہ اِنت۔ ورنا آناں بااختیار کنگ وھد ءِ لوٹ اِنت۔ پنچ شمبے ءِ روچ ءَ کامسیٹس یونیورسٹی ءَ برجم داشتگیں مزن وزیر یوتھ لیپ ٹاپ اسکیم ءَ گوں گشتانک دیان ءَ وفاقی وزیر ءَ ورنا آناں گوشت کہ شمئے دیم ءَ دیگ بوھوکیں لیپ ٹاپ آنی دگہ مول ءُ مراد نیست ایوک ءَ انسانیت ءِ ھزمت اِنت۔ نہ کتابانی وانینگ ءِ مول ءُ مراد ءُ نہ لیپ ٹاپ ءِ مول ءُ مراد جتا انت۔ اصل مکسد ایش انت کہ تو یک انچیں مستقبلے ءِ تہا قدم چست کن ئے کہ تو انگت ءَ نہ دیستگ ءُ آئی ءِ بابت ءَ تو سرجمی ءَ تصور ہم نہ کن ئے۔ گریجویشن ءَ پد وھدے کہ تو درکپ ئے گڑا تو کار کن ئے ءُ تو پیشگی نہ زان ئے کہ چے دربرگ بہ بیت۔ اِنت ءُ کجام نیمگ ءَ روگی اِنت۔ آئی ءَ گوشت کہ نودربراں ڈیجیٹل ھنر ءَ گوں لیس کنگ راجی اولی ترجی اِنت۔ ورناہاں پٹ ءُ پول ءِ نیمگ ءَ آرگ المی اِنت، لیپ ٹاپ اسکیم ءِ مول ءُ مراد پٹ ءُ پول، نوکیں چیز ءُ وانگ ءِ موہ آناں گیش کنگ اِنت۔ لیپ ٹاپ اسکیم ءِ مول ءُ مراد ورنا آناں وتی ازم ءِ تہ ءَ گیشی ءِ موہ دیگ اِنت۔ حکومت ورنا آناں زانت ءِ سرا بنیات ءِ معیشت ءِ واستہ تیار کنگ ءِ واستہ جزم انت۔ آئی ءَ گوشت کہ سئے سال پیسر جاور دگہ رنگ ءَ بوتگ اَنت، یک وھدے بوتگ کہ موبائل نیست اَت، بے شک چیزے بدل بوتگ، ادا مستریں گپ وھد ءِ تیاری اِنت، بدل بوھوکیں وھد ءِ واستہ وت ءَ تیار کنگ اِنت۔ یونیورسٹی بس ءُ ماڑیانی بابت ءَ ایوک ءَ نہ اِنت بلکیں اے ترا یک انچیں مستقبل ءِ تہا قدم ایر کنگ ءِ اہل کنت کہ تو انگت ءَ نہ دیستگ، اے تیاری ایش اِنت کہ تو غیر یقینی جاوراں فیصلہ بہ کن ئے، سوبمندی ءُ ناکامی ءِ دوئیں چیزاں من ئے ءُ دوئیں چیزانی ہمراہی ءَ زندگ بوہگ ءِ ہمت ءُ ہمت ءِ ہست بہ کن ئے۔