پاکستان تحریک انصاف ءَ گوں گپ ءُ تران ءِ سر ءَ ھچ وڑیں رابطہ کنگ نہ بوت، مئے ھمراھاں گپ ءُ تران ءِ منوگر ھاسیں رنگ ءَ اَنت، طارق فضل چوہدری

اسلام آباد۔7جنوری  (اے پی پی): پارلیمانی کارانی وفاقی وزیر طارق فضل چوہدری ءَ گشتگ کہ گوں پاکستان تحریک انصاف ءَ گپ ءُ تران ءِ بابت ءَ ہچ وڑیں رابطہ کنگ نہ بوتگ، مئے اتحادی گپ ءُ تران ءِ حق ءَ پدر انت، ملک ءَ را جوانیں رنگ ءَ چلائینگ ءِ ھاتر ءَ گپ ءُ تران المی انت۔ چار شمبے ءِ روچ ءَ پارلیمنٹ گس ءَ میڈیا ءِ نمائندگاں گوں تران کنان ءَ آئی ءَ گشتگ اگاں تحریک انصاف اسپیکر ءِ چیمبر ءَ بئیت گڈا گپ ءُ تران بوت کنت۔ اولی ٹورنامنٹ ءِ جار جنگ بیت ءُ پدا ٹیم جوڑ کنگ بنت۔ یک جُستے ءِ پسو ءَ آئی ءَ گوشت کہ اپوزیشن سروک ءِ جیڈھ اسپیکر ءَ را گیش ءُ گیوار کنگی انت ۔ اگاں تحریک انصاف وتی لوٹاں اسپیکر ءِ دیما ایر کنت گڈا معاملہ گیش ءُ گیوار بیت ۔ آئی ءَ گوشت کہ ھچ جیڈھ نیست کہ گپ ءُ تران ءِ وسیلگ ءَ گیش ءُ گیوار کنگ مہ بیت، پاکستان تحریک انصاف ءَ گپ ءُ تران ءِ واستہ سنگینی پیش دارگ لوٹ ایت، تحریک انصاف وت گنوک انت، تحریک انصاف ءِ دو ٹک جتا گپ ءَ انت، تحریک انصاف ایوک ءَ وتی بُن ھشت ایر کنوک ءِ برکت ءَ گوں گپ ءُ تران کنت ۔