مزن وزیر محمد شہباز شریف ءَ اسٹیٹ بینک ءَ را پنت ءُ شون کتگ کہ آ تجارتی بینک آنی نیمگ ءَ کسان ءُ میاں اوستمانی کاروبار ءُ کشت ءُ کشاری ءِ شوبگ ءَ وام دیگ ءِ کارروائی ءَ را گیش آسان کنگ ءِ واستہ گامگیج کنگ ءِ پنت ءُ شون

اسلام آباد۔7جنوری  (اے پی پی): مزن وزیر محمد شہباز شریف ءَ اسٹیٹ بینک ءَ را پنت ءُ شون کتگ کہ آ کمرشل بینک آنی نیمگ ءَ کسان ءُ میاں اوستمانی کاروبار ءُ کشت ءُ کشاری ءِ شوبگ ءَ را وام دیگ ءِ کارروائی ءَ را گیش آسان کنگ ءِ واستہ گامگیج بہ زوریت۔ آئی ءَ چار شمبے ءِ روچ ءَ نوکیں کسان ءُ میاں اوستمانی کاروبار ءُ کسانیں کشت ءُ کشاری آناں وام ءِ پجاری ءِ آسراتی، اقتصادی شمولیت ءُ وتی سروکی ءَ نجی شعبہ ءَ را وام ءِ پجاری ءِ ھوالگ ءَ چار ءُ تپاسی دیوان ءَ گوں گشتانک دیگ ءَ ات۔ دیوان ءَ گوں گشتانک دیان ءَ مزن وزیر ءَ پنت ءُ شون کت کہ کشت ءُ کشاری ءِ شوبگ ءَ نوآبادیاتی ءِ دیمروئی ءِ واستہ اولیت ءِ بنیاد ءَ سروس پروائیڈر آناں وام پجاری ءَ را دل یکیمی کنگ بہ بیت۔ مزن وزیر ءَ پنت ءُ شون کت کہ اسپیشل اسسٹنٹ ہارون اختر سمیدا وتی ٹیم ءِ گوما گلگت بلتستان ءُ کشمیر ءَ ہوار توامیں صوبگ آنی تر ءُ تاب ءَ بہ کنت ءُ کسان ءُ میان استمانی کاروبار آنی آسراتی ءِ واستہ صوبگ آنی گوما یک ٹوھیں پالیشی یے جوڑ بہ کنت۔ آئی ءَ گوشت کہ ایس ایم ایز دیمروئی کتگیں ملک آنی تہ ءَ معیشت ءُ صنعتی شوبگ ءِ ریڑھ ءِ ھڈ انت۔ آئی ءَ ورنا آناں کاروباری تربیت دیگ ءِ ھم پنت ءُ شون کت تانکہ نوکیں کاروبار بندات کنگ بہ بنت ءُ ملک ءِ اقتصادی چست ءُ ایر آنی تہ ءَ گیشی بہ بیت۔ مزن وزیر ءَ گوشت کہ جدید ٹیکنالوجی ءِ گرگ ءِ واستہ جندی شوبگ ھاسیں رنگ ءَ ایس ایم ایز ءُ کسانیں کشت ءُ کشاری آناں کریڈٹ پجاری ءِ تہ ءَ آسراتی دیگ حکومت ءِ اولی ترجی آنی تہ ءَ یک اِنت۔ گند ءُ نند ءَ گوستگیں سال آنی تہ ءَ کاروبار، مشینری ءُ نوکیں ٹیکنالوجی ءِ واستہ پرائیویٹ سیکٹر ءَ را داتگیں وام آنی ھوالگ ءَ ڈیٹا ءُ معیشت ءِ تہ ءَ گہتری ءِ گوما ایشانی کساس ءِ تہ ءَ گیشی ءِ ھوالگ ءَ بریفنگ کنگ بوت۔ دیوان ءَ گوشگ بوت کہ دسمبر 2025 ءَ 2021-22 ءِ مقابلہ ءَ بینک آنی نیمگ ءَ چہ نجی شعبہ ءَ را کریڈٹ پجارینگ ءِ تہ ءَ گہتری بوتگ ءُ وام زورگ ءِ کساس دو گناہ بوتگ ءُ 303 ہزار بوتگ ءُ وام ءِ کساس یک ءُ یک کھرب ءَ سر بوتگ۔ اے سال ءَ زرعی شوبگ ءَ وام ءَ چہ فائدہ چست کنوکیں کشت ءُ کشاری ءِ کساس 3ملین ءِ اندازہ اِنت وھدے کہ گوستگیں سال ءَ اے کساس 2.8ملین بوتگ۔ گند ءُ نند ءَ گیش گوشگ بوت کہ کمرشل بینک آنی نیمگ ءَ نوکیں کاروبار ءُ نوکیں مشینری ءِ واستہ وام ءِ پھجاری ءَ را اولیت دیگ ءِ واستہ گامگیج کنگ بوھگ ءَ انت۔ زرعی شوبگ ءَ را داتگیں وام آنی تہ ءَ نوکیں مشینری ءُ فصل آنی ھوار لائیو سٹاک ءُ ماہی گیری ءِ شوبگ ھم ھوار انت۔ اسمیڈا زوت مالی جیڈھ آنی سر ءَ کسان ءُ میاں اوستمانی ادارگ آناں تربیت ءُ سرپدی ءِ واستہ پروگرام بندات کنت۔ پنجاب ءَ کشت ءُ کشاری ءِ نوکیں سامان ءُ مشینری پجاری ءِ واستہ سروس پروائیڈر آناں وام دیگ ءِ پروگرام بندات کنگ بوتگ۔ ایشی ءَ ابید دیوان ءَ سرپدی دیگ بوت کہ اسٹیٹ بینک ءَ کسانیں کشت ءُ کشاری آناں وام ءِ پجارینگ ءِ آسراتی ءِ واستہ سرجمیں ڈیجیٹل سسٹم ءِ سر ءَ بنیات ءِ سر ءَ کار کنوکیں ”زرخیز ای ایپ“ ھم بندات کتگ کہ ایشی ءَ چہ مزنیں کساس ءَ کشت ءُ کشاری ءَ را نپ چست کنگ بوھگ ءَ اِنت۔ مزن وزیر ءَ گوشت کہ اے درگت ءَ باقاعدہ دیوان ءِ سروک ءُ نگرانی ءَ کناں ءُ اے درگت ءَ زوت یک ذیلی کمیٹی یے جوڑ کنگ بیت ایشی ءِ تہ ءَ ملک ءَ کاروباری چست ءُ ایر آنی تہ ءَ گیشی ءِ واستہ نجی شوبگ ھاسیں رنگ ءَ ایس ایم ای سیکٹر ءُ کشت ءُ کشاری شوبگ ءَ را کریڈٹ پجاری ءِ عمل ءَ را گیش آسان کنگ ءِ واستہ سفارش جوڑ کنگ بیت۔ گند ءُ نند ءَ نائب مزن وزیر ءُ درئی کارانی وزیر سینیٹر  محمد اسحاق ڈار، وفاقی وزیر خزانہ محمد اورنگزیب، وزیر مملکت بلال اظہر کیانی، ھاسیں کمکار ہارون اختر، گورنر سٹیٹ بینک جمیل احمد  ءُ  سیادی داروکیں کارندہ آنی گوما گلگت بلتستان ءُ آزات جموں کشمیر ءَ ھوار چاریں صوبگ آنی چیف سیکرٹری آں بھر زوری کت۔