مالیاتی نظام ءِ مھکم کنگ ءِ ھاترا نوکیں ٹیکنالوجی ءِ شوھازگ ءِ ھاترا شرپ مندیں  میاں اوستمانی شریکاں گوں سرگرمیں رنگ ءَ رابطہ ءَ ، وزیر خزانہ محمد اورنگزیب سجوانی گروپ ءِ ڈل ءَ گوں گند ءُ نند

اسلام آباد۔7جنوری  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان وتی مالیاتی نظام ءَ را مھکم کنگ ءِ واستہ نوکیں ٹیکنالوجی آناں پٹ ءُ پول کنگ ءِ واستہ معتبریں میاں اوستمانی شریک آنی گوما سرگرمیں رنگ ءَ رابطہ ءَ انت۔ آئی ءَ اے گپ چار شمبے ءِ روچ ءَ سجوانی بزنس گروپ ءِ ڈل ءَ گوں گند ءُ نند ءِ ساھت ءَ کت اَنت۔ گند ءُ نند ءَ ڈیجیٹل فنانس ءُ نوکیں ٹیکنالوجی آنی تہ ءَ کمک ءِ امکان آنی سر ءَ ھیال ریچی کنگ بوت۔ مزن تک ءِ ڈل ءِ سروکی ءَ ون گروپ ءِ چیئرمین سید ذیشان شاہ ءَ کتگ ات۔ گند ءُ نند ءَ ٹوکنائزیشن، مصنوعی ذہانت، بلاکچین ءُ ڈیجیٹل انفراسٹرکچر ءِ ھوالگ ءَ دیم ءَ آیوکیں جھان ءِ رجحان آنی سر ءَ ھیال ریچی کنگ بوت۔ گند ءُ نند ءَ مالیاتی شوبگ ءَ پاکستان ءِ جاری اصلاحات ءِ کمک ءِ واستہ ممکنہ کمک ءِ پڑ ءُ ڈیجیٹل ٹرانسفارمیشن ایجنڈا ءِ سر ءَ ھم ھیال ریچی کنگ بوت۔ ڈل ءَ حکومت پاکستان ءِ گوما شریکداری ءِ تہ ءَ سک باز واھشت ءِ درشان کت ءُ حقیقی اثاثہ آنی ٹوکنائزیشن، بلاکچین ءِ سر ءَ بنیات ءِ پلیٹ فارم، مصنوعی ذہانت ءِ سر ءَ بنیات ءِ حل ءُ جدید ڈیجیٹل انفراسٹرکچر ءِ وڑیں پڑ آنی تہ ءَ تکنیکی مہارت، مشاورتی کمک ءُ صلاحیت سازی ءِ پیشکش کت۔ ڈل ءَ ملک ءِ کانود ءُ ریگولیٹری فریم ورک ءِ سرجمیں احترام ءَ را دل یکیمی کنگ ءِ وھد ءَ پاکستان ءَ را شفافیت، کارکردگی، سرمایہ کار آنی رسائی ءُ مالی شمولیت ءَ را گہتر کنگ ءَ کمک کت کنت۔ اے گپ ءُ تران پاکستان ءِ نوکیں مالیاتی ٹیکنالوجی آناں ذمہ واری ءِ رنگ ءَ زورگ ءِ نوکیں کوشست آنی رد ءَ بوتگ، ایشی ءِ تہ ءَ حکومت ءِ کوشست ھوار اَنت کہ آ وت واجہ ءُ حقیقی اثاثہ آنی واستہ ریگولیٹری لوٹ آنی گوما ھمگرنچیں بلاکچین انفراسٹرکچر ءِ چار ءُ تپاسی ءَ بہ کنت۔ فریقین ءَ اے گپ ءِ سر ءَ تپاک کت کہ اے ٹیکنالوجی اگاں احتیاط ءَ گوں کارمرد کنگ بہ بنت گڈا سرمایہ کاری مارکیٹ آنی تہ ءَ گیشی ءِ تہ ءَ کمک رس ایت، میاں اوستمانی سرمایہ کاری ءَ را را وتی نیمگ ءَ رازیگ کنگ ءُ پائیدار اقتصادی دیمروئی ءَ را گیش کنگ ءَ کمک رس ایت۔ وزیر ءِ ھزانگ ءَ ڈل ءِ دلچسپی ساڑات ءُ پاکستان ءِ گوما جوڑیشت ءِ رنگ ءَ ھوار بوھگ ءِ سر ءَ شگر ءُ منت گپت۔ آئی ءَ ذمہ واریں جدت، مھکمیں گورننس ءُ ریگولیٹری ءِ رد ءَ حکومت ءِ عزم ءِ سر ءَ زور پر دیان ءَ گوشت کہ پاکستان وتی مالیاتی نظام ءَ را مھکم کنگ ءِ واستہ نوکیں ٹیکنالوجی آناں پٹ ءُ پول کنگ ءِ واستہ معتبریں میاں اوستمانی شریک آنی گوما سرگرمیں رنگ ءَ کار کنگ ءَ اِنت۔ وزیر خزانہ ءَ زور پر دات کہ ھرچ وڑیں ممکنہ کمک راجی اولویت، شفافیت ءُ قابل اطلاق کانود ءُ پالیسی آنی سر ءَ بنیات ءَ بیت۔ ڈل ءِ تہ ءَ ڈیما گروپ ءِ شریک منیجنگ ڈائریکٹر ءُ پریپکو ءِ شریک بانی ءُ سی ای او عاقب حسن ون ہومز الپ اوزینالپ ءِ چیف کمرشل آفیسر ءُ ٹوکنائزیشن ءِ چیف آف اسٹاف ءُ جنرل منیجر جوزف العام ھم ھوار اتنت۔