وزارت پارلیمانی کاراں 2025 ءَ راجمانی جیڈھ آنی گیواری، راجمانی کیاس گری ءُ شفافیت ءِ دیمروئی ءِ گامگیج آنی  رپوٹ جاڑی کت

اسلام آباد۔7جنوری  (اے پی پی): وزارت پارلیمانی کار آنی نیمگ ءَ لس جیڈھ آنی گیواری، لس کیاس گری ءُ شفافیت ءِ دیمروئی ءِ واستہ 2025 ءَ چست کتگیں گامگیج آنی بابت ءَ رپورٹ شنگ کتگ، ایشی ءِ تہ ءَ گوشگ بوتگ کہ گوستگیں سال ءِ تہ ءَ ملک ءَ 93درسد لس شکایت آنی کیس گیش ءُ گیوار کنگ بوتگ اَنت۔ چار شمبے ءِ روچ ءَ پارلیمانی امور ءِ نیمگ ءَ چہ جاڑی بوتگیں بیان ءَ گوشت کہ وزارت ءَ سرجمیں ملک ءَ چہ رستگیں 21ہزار 281 سرکاری درخواست آنی سر ءَ کارروائی کتگ ایشی ءِ تہ ءَ زمین ءِ سر ءَ زورگ، ایف آئی آر درج کنگ ءِ تہ ءَ دیر کنگ، پولیس ءِ رھبند، یوٹیلٹی بل آنی تہ ءَ بے رھبندی ءُ مالی کمک ھوار اَنت۔ اے شکایتانی تہا درملکیں پاکستانیانی درخواست ہم ہوار بوتگ انت۔ وزارت پارلیمانی امور ءَ گوشت کہ السی شکایت آناں وھد ءِ سر ءَ گیواری شکایت ونگ ءِ وسیلگ ءَ حکومت ءِ سر ءَ شفافیت، کیاس گری ءُ السی بھروسہ ءِ دیمروئی ءِ واستہ پابندیں شکایت ونگ ءِ نیمگ ءَ چہ حکومت ءِ سر ءَ السی رسائی ءَ را گیش کنگ ءِ واستہ یونیورسل ایکسیس نمبر 554-555-111 ھم دیم ءَ آرگ بوتگ۔ رپورٹ ءِ رد ءَ سرجمیں ملک ءَ سرپدی مہم ءِ چیر دستی ءَ وزارت ءِ ازمت آنی ھوالگ ءَ لس مھلوک ءَ را نزیک ءَ 123ملین ایس ایم ایس روان دیگ بوتگ۔ وزارت پارلیمانی امور ءِ گامگیج آنی سبب ءَ شکایت آنی کساس 2024 ءَ 12597 ءَ چہ 2025 ءَ 21281 ءَ سر بوتگ۔ خیبر پختونخوا ءُ پنجاب ءِ ضلع آنی تہ ءَ ھوار بوتگ ءُ 445 شکایت آنی تہ ءَ گیشتریں شکایت آنی تہ ءَ دمگی انتظامیہ ءِ کمک ءَ گوں جاہ ءِ سر ءَ گیش ءُ گیوار کنگ بوتگ۔ رپورٹ ئِ تہ ئَ گوشت بوت کہ پارلیمانی کار آنی وزیر ئَ ھم راجی شکایت ئِ گوشدارگ ئِ واستہ باقاعدگی ئَ دیوان برجم داشتگ۔ وزارت ءَ پارلیمنٹ ءُ حکومت ءِ نیام ءَ رابطہ آناں کارآمد جوڑ کنگ ءِ واستہ ٹریک اینڈ ٹریس میکانزم ءِ سر ءَ عمل درآمد کتگ۔ ءِ دیم ءَ آرگ بوتگ ات، ایشی ءَ چہ بل، جُست، قرارداد ءُ دلگوشی ءِ نوٹس آنی سر ءَ حکومت ءِ پسو ءِ ریئل ٹائم نگرانی ءِ اہل بوتگ ات۔ رپورٹ ءِ تہ ءَ گیش گشگ بوتگ کہ گوستگیں سال ءِ تہ ءَ وزارت ءَ 6 قائمہ کمیٹی آنی 49 دیوان برجم داشتگ، پارلیمنٹ ءَ داتگیں 37 سرکاری یقین دہانی آنی سر ءَ عمل درآمد ءِ سر ءَ نگرانی کتگ، وزیر دفاع ءِ سروکی ءَ وزارتی کمیٹی ءَ سرکاری کانود آنی سر ءَ پیشرفت ءَ را دل یکیمی کتگ ءُ پارلیمنٹ ءِ نیمگ ءَ چہ سرکاری ایوان ءِ منظوری ءَ را آسراتی داتگ۔ وزیر پارلیمانی امور ءَ پارلیمنٹ ءِ دوئیں ایوان آنی کاروائی آنی تہ ءَ فعال کرد پیلو کتگ ءُ 207جست آنی پسو داتگ۔ ایشی ءَ ابید پارلیمانی کارانی وزیر ءَ ایوان ءَ 20 دلگوشی ءِ نوٹس، 6 آئینی ءُ کانودی رپورٹ پیش کتگ، پارلیمانی کارانی وزیر ءَ 5 قرارداد آنی پسو داتگ، 9 تحریک آنی سر ءَ گپ ءُ تران ءِ آسر کتگ، ءُ 26 قانون ساز بل آنی سر ءَ کارروائی کتگ۔ وزارت پارلیمانی امور ءَ گشتگ ادارگی ءُ پارلیمانی سیادی ءَ را گیش مھکم کنگ ءِ ھاتر ءَ جزمیگ آں ۔