وفاقی وزیر رانا تنویر حسین ءِ سروکی ءَ راجی گندم ءِ نگرانی کمیٹی ءِ سیمی دیوان ءَ ادارُکی راجی گندم پالیشی ءِ سر ءَ عمل درآمد ءِ پیشرفت ءِ سر ءَ چار ءُ تپاسی

اسلام آباد۔6جنوری  (اے پی پی):راجی گندم ءِ نگرانی کمیٹی ءِ سیمی دیوان راجی فوڈ سیکیورٹیءُ پٹ ءُ پول ءِ وفاقی وزیر رانا تنویر حسین ءِ سروکی ءَ برجم دارگ بوت کہ ایشی ءِ تہ ءَ صوبگ / دمگ آنی تہ ءَ صوبائی نفاذ ءِ یونٹ آنی جوڑ کنگ ءِ تہ ءَ بوتگیں پیشرفت ءِ رد ءَ نیشنل ڈبلیو ہیٹ 2019 ءِ نفاذ ءِ واستہ پالیسی ءِ رد ءَ چار ءُ تپاسی کنگ بوتگ۔ دیوان ءَ استیں گندم ءِ اسٹاک ءَ را تباہی ءَ چہ رکھینگ ءِ منصوبگ ءُ نجی شعبہ ءِ وسیلگ ءَ اسٹریٹجک گندم ءِ اسٹاک ءِ گرگ ءِ ماڈل ءِ سر ءَ ھم چار ءُ تپاسی کنگ بوتگ۔ کمیٹی ءَ را سرپد کنگ بوت کہ درستیں صوبہ ءُ دمگاں گندم ءِ راجی عبوری پالیشی ءِ نفاذ ءِ واستہ وتی صوبائی نفاذ ءِ یونٹ سوبمندیں رنگ ءَ جوڑ کتگ انت ایشی ءَ چہ سرجمیں ملک ءَ ہمگام ءُ موثر نفاذ ءَ را دل یکیمی کنگ بوتگ۔ تباہی ءِ ھلاپ ءَ رکھینگ ءِ منصوبگ ءِ ایجنڈا ءِ چیردستی ءَ درستیں صوبہ آں وتی دستیابیں گندم ءِ ذخیرہءُ ایشی ءَ گوں سیادی داروکیں تباہی ءِ حکمت عملی ءِ بابت ءَ سرپدی داتگ۔ گندم ءِ اسٹریٹجک اسٹاک گرگ ءِ واستہ ماڈل ءِ ھوالگ ءَ گوشگ بوت کہ پنجاب، خیبر پختونخوا ءُ بلوچستان پرائیویٹ سیکٹر کمپنی آنی وسیلگ ءَ گرگ بنت۔ وفاقی وزیر ءَ گوشت کہ گندم ءِ راجی پالیشی ءِ مستریں مول ءُ مراد کشت ءُ کشاری ءِ واستہ گندم ءِ نہاد آنی تہ ءَ مھکم کنگ ءُ مارکیٹ ءِ بے یقینی ءَ چہ رکھینگ انت۔ آئی ءَ اے گپ ءِ سر ءَ زور پر دات کہ اے پالیشی ءِ ھیالداری ءَ گوں فوڈ سیکیورٹی ءَ را دل یکیمی کنگ ءُ نرخ آنی برجائی ءِ واستہ جوڑ کنگ بوتگ ءُ ایشی ءِ سرجمیں رنگ ءَ عمل کنگ ءَ پد صارف آنی سر ءَ ھچ وڑیں بے وسی ءِ بار نہ بیت۔ آئی ءَ گیش گوشت کہ اے پالیسی ءَ چہ شفافیت ءَ را گیش کنگ بیت، نجی شوبگ ءِ بھر زوری ءَ را دلبڈی دیگ بیتءُ فیڈریشنءُ صوبگآنی نیام ءَ ھمگرنچی ءَ را گہتر کنگ بیت۔ آئی ءَ دل یکیمی ءِ درشان کت کہ راجی گندم پالیشی ءِ جوانیں رنگ ءَ عمل کنگ ءَ چہ گندم ءِ پائیدارءُ متوازن مارکیٹ جوڑ بیت ایشی ءَ چہ کشت ءُ کشاری،کسٹومرءُ راجی معیشت ءَ را سیت رسیت۔